The news is by your side.

Advertisement

مایہ ناز کرکٹرز بھی قرنطینہ میں چلے گئے

کولمبو: سری لنکا کے معروف کرکٹر سنگاکارا اور آسٹریلوی بیٹسمین گلین میکسویل نے تنہائی اختیار کر لی۔

سماجی رابطے کی ویب سائٹ پر جاری ویڈیو پیغام میں سنگاکارا نے بتایا کہ لندن سے واپسی پر انہوں نے کولمبو میں از خود تنہائی اختیار کر لی ہے۔

ان کا کہنا ہے کہ وطن واپسی پر خود کو پولیس اسٹیشن میں رجسٹرڈ کروایا اور حکومتی ہدایت پر عمل پیرا ہوتے ہوئے 14 روزہ قرنطینہ میں جانے کا فیصلہ کیا ہے۔

ایم سی سی کے صدر اور سابق کپتان سنگاکارا کا کہنا ہے کہ کورونا وائرس کے پیش نظر احتیاطی تدابیر اختیار کی جائیں تاکہ مہلک وبا کو پھیلنے سے روکا جا سکے۔

یہ بھی پڑھیں: جنوبی افریقی کھلاڑیوں کو بھارت سے واپسی پر آئیسولیشن میں رکھنے کا فیصلہ

دوسری جانب آسٹریلوی جارح مزاج بیٹسمین گلین میکسویل بھی قرنطینہ میں چلے گئے، ان کا کہنا ہے کہ ایک دوسرے کی مدد کے لیے تنہائی اختیار کر لیں۔

واضح رہے کہ اس سے قبل انگلش کرکٹر ایلکس ہیلز سمیت متعدد بین الاقوامی کھلاڑی تنہائی اختیار کر چکے ہیں، دورہ بھارت سے واپسی پر جنوبی افریقی ٹیم بھی 14 روزہ قرنطینہ میں چلی گئی ہے۔

fb-share-icon0
Tweet 20

Comments

comments

یہ بھی پڑھیں