پشاور: ڈاکٹر سے دو کروڑ روپے بھتہ طلب کرنے اور دوبار دستی بم پھینکنے والے بھتہ خور کو گرفتار کرلیا گیا۔
اے آر وائی نیوز کے نمائندہ پشاور عدنان طارق کے مطابق محکمہ انسداد دہشت گردی نے خفیہ اطلاعات کی بنیاد پر پشاور کے علاقے جمرود روڈ پر کارروائی کرتے ہوئے مبینہ بھتہ خور کو گرفتار کرلیا ہے۔
ملزم کے بارے میں بتایا جارہا ہے کہ اس نے ایک مقامی ڈاکٹر سے ایک سے دو کروڑ روپے تک بھتے کی ڈیمانڈ کی تھی جس کے لیے اس نے پرچی بھی دی تھی۔
سیکیورٹی ادارے نے ملزم کے بارے میں مزید بتایا کہ وہ کالعدم تنظیم کے نام پر دھمکیاں دیتا تھا اور فون بھی کرتا تھا اور اس نے ڈاکٹر کے گھر پر دو بار دستی بموں سے حملہ بھی کیا تھا۔
Comments
- Advertisement -
