اسلام آباد: ملک میں ڈالر کی عدم دستیابی کے باعث آئل چین سسٹم میں رکاوٹ کے باعث پیٹرولیم مصنوعات کے بحران کا خدشہ پیدا ہوگیا۔
اے آر وائی نیوز کے مطابق ملک میں ڈالر عدم دستیابی، آئل چین سسٹم میں رکاوٹ، ریفائنریز کی پیداوار رکنے لگی ہے جس کے باعث ملک میں پیٹرولیم مصنوعات کا بحران سر اٹھانے کا خدشہ ہے۔
سینر جیکو ریفائنری نے وزارت توانائی کو پیٹرولیم مصنوعات کے ممکنہ بحران کے خدشے کے پیش نظر خط لکھ دیا ہے۔
خط میں کہا گیا ہے کہ خام مل نہ ہونے کے سبب سینر جیکو بائیکو ریفائنری 8 دن کے لیے بند کردی گئی ہے ریفائنری 9 فروری تک بند رہے گی۔
خط میں کہا گیا ہے کہ خام تیل کا جہاز آنے پر ریفائنری 10 فروری سے پیداوار کا آغاز کرے گی۔
او سی اے سی کا اوگرا اور وزارت پیٹرولیم کے نام خط
آئل کمپنیز ایڈوائزری کونسل نے اوگرا اور وزارت پیٹرولیم کے نام لکھے گئے خط میں روپے کی قدر میں خمی پر شدید تحفظات کا اظہار کیا ہے۔
او سی اے سی کا کہنا ہے کہ پیٹرول اور ڈیزل کی قیمتوں میں اضافے کے بعد نقصانات میں معمولی ریکوری کی امید ہے اسٹیٹ بینک بینکوں کو آئل مارکیٹنگ کمپنیز کی ایل سی لمٹ میں فوری اضافے کی ہدایت کرے۔
او سی اے سی کی جانب سے گورنر اسٹیٹ بینک ،چئیرمین اوگرا اور وزارت خزانہ اور وزارت پیٹرولیم سے فوری ملاقات کا وقت بھی مانگ لیا۔
خط میں کہا گیا ہے کہ اوگرا کی جانب سے عوام پر زیادہ دباؤ نہ منتقل کرنے کے سبب انڈسٹری شدید مالی بحران کا شکار ہے۔
