انگلینڈ کے خلاف دوسرے ٹی ٹوئنٹی میں بابر اعظم کی شاندار سنچری کے ذریعے فارم میں واپسی کے بعد سابق فاسٹ بولر عاقب جاوید کیلیے سوشل میڈیا پر طنزیہ میمز کی بھرمار ہوگئی۔
گزشتہ روز نیشنل اسٹیڈیم کراچی میں کھیلے گئے پاکستان اور انگلینڈ کے مابین دوسرے ٹی ٹوئنٹی انٹرنیشنل میں قومی ٹیم نے 10 وکٹوں سے شاندار فتح حاصل کرکے نہ صرف اپنی مسلسل شکستوں پر بریک لگا دیا بلکہ کپتان بابر اعظم نے ناقابل شکست سنچری کے ذریعے اپنی کھوئی ہوئی فارم بھی واپس حاصل کرلی جس کے بعد قومی کپتان کی خراب فارم پر تنقید کرنے والے سابق فاسٹ بولر عاقب جاوید کے خلاف طنزیہ ٹوئٹس کی بھرمار ہوگئی اور ان کا نام ٹوئٹر پر ٹرینڈ کرنے لگا۔
جمعرات کو پاکستان نے انگلینڈ کی طرف سے دیا گیا 200 رنز کا ہدف بغیر کوئی وکٹ کھوئے حاصل کیا اور پاکستان کی طرف سے ٹی 20 کی تاریخ کی سب سے بڑی اوپننگ پارٹرشپ کا نیا ریکارڈ بنا دیا۔ میچ میں پاکستان کے کپتان بابر اعظم نے 66 گیندوں پر 110 اور وکٹ کیپر بیٹر محمد رضوان نے 51 گیندوں پر 88 رنز بنائے۔
اس شاندار فتح اور کپتان کی فارم میں واپسی نے ان کے فینز سمیت شائقین کرکٹ کو جشن منانے کا موقع تو فراہم کیا لیکن اس جشن کے دوران شائقین کرکٹ حال ہی میں سابق فاسٹ بولر عاقب جاوید کی بابر اعظم اور رضوان پر کی گئی تنقید نہ بھولے پھر کیا تھا سوشل میڈیا پر میمز کا طوفان آگیا صارفین نے انہیں ٹوئٹر پر ٹرول کرنا شروع کیا اور اتنا ٹرول کیا کہ عاقب جاوید کا نام نام ٹرینڈ کرنے لگا۔
ایک صارف احسن نے بابراعظم کی منہ پر انگلی رکھے مخالف کو خاموش کراتی علامتی تصویر کے ساتھ اس کیپشن کے ساتھ ٹوئٹ کیا ’’بابر اعظم کا آج عاقب جاوید کو جواب۔‘‘
Babar to Aqib Javed today. #PAKvENG pic.twitter.com/3YPG4tgCbq
— Ahson (@Ahson8) September 22, 2022
مسکان نامی صارف نے عاقب جاوید کی ایڈیٹ شدہ تصویر جس میں انہیں روتے ہوئے دکھایا ہے اس کیپشن کے ساتھ ٹوئٹ کیا کہ ’’عاقب جاوید کی موجودہ حالت۔‘‘
Aqib Javed Right Now #BabarAzam pic.twitter.com/OYbKO7LfDK
— MUSKAN (@Musskey) September 22, 2022
ایک صارف نے انگلش کپتان معین علی تصویر لگا کر لکھا کہ ’ہمیں عاقب جاوید نے منع کیا تھا کہ بابر کو آؤٹ نہیں کرنا۔‘
"Aqib Javed told us to not get Babar’s wicket.” England’s captain Moeen Ali #BabarAzam #PAKvsEng2022 pic.twitter.com/lA31bq9y41
— MUSKAN (@Musskey) September 22, 2022
ایک اور ٹوئٹ میں صارف نے عاقب جاوید کا شکریہ ادا کیا کہ انہوں نے بابر پر تنقید کی، یوں انہوں نے اپنے بلے سے اس کا جواب دیا۔
Thankyou Aqib Javed for criticizing Babar Azam #BabarAzam pic.twitter.com/tpkkDlzpIr
— MUSKAN (@Musskey) September 22, 2022
ایک صارف نے بھارتی فلم کے ایک سین کی میمز پوسٹ کی جس میں دکھایا گیا کہ جیسے عاقب جاوید بابر کی بیٹنگ دیکھ کر انڈر گراؤنڈ ہونے جا رہے ہیں۔
Aqib Javed after watching Babar Rizwan chase 200 pic.twitter.com/C83GVykUpr
— Zak (@Zakr1a) September 22, 2022
اس کے علاوہ ایک اور صارف نے اپنے طنزیہ ٹوئٹ کچھ یوں کی۔
Pakistanis to Aqib Javed today:#BabarAzam #PAKvsEng pic.twitter.com/nBFoWx27Pu
— Zeenia | 46,56,57 (@itz__ze) September 22, 2022
واضح رہے کہ قومی کرکٹ ٹیم کے سابق فاسٹ بولر اور پاکستان سپر لیگ کی فرنچائز لاہور قلندرز کے ڈائریکٹر کرکٹ آپریشنز عاقب جاوید نے گزشتہ دنوں پاکستانی اوپنرز کپتان بابر اعظم اور رضوان کو کم رن ریٹ پر تنقید کا نشانہ بنایا تھا۔
عاقب جاوید نے کہا تھا کہ ہمارے دونوں اوپنرز ٹی ٹوئنٹی کے نمبر ون نمبر بلے باز ہیں لیکن یہ کوئی ٹورنامنٹ جتوانے والے نہیں ہیں، ان کا کیا کرنا ہے، ایک اوپنر ان میں ایسے ہیں جو جب اننگز کا آغاز کرتے ہیں تو اس وقت رن ریٹ 8 کا درکار ہوتا ہے وہ 15 اوورز کھیلتے ہیں اور 17 کا رن ریٹ چھوڑ کر چلے جاتے ہیں۔
اسی طرح ایک دوسری جگہ عاقب جاوید نے بابر اعظم پر طنز کرتے ہوئے کہا تھا کہ پی ایس ایل میں جب ہمارا میچ کراچی کنگز سے ہوتا ہے تو ہم بابر اعظم کو اس لیے آؤٹ کرنے کی کوشش نہیں کرتے کیونکہ وہ سست بیٹنگ کرتے ہیں۔
