جکارتہ: انڈونیشیا کے جنوب مغربی علاقے میں جیتے کی افسوسناک موت واقع ہوئی۔
میڈیا رپورٹ کے مطابق انڈونیشیا کے جنوب مغربی علاقے بینگ کولو کے جنگل سے دو سال کا مادہ چیتا مردہ حالت میں برآمد ہوا جس کا پیٹ بہت زیادہ پھولا ہوا تھا۔
مردہ چیتے کو شکاریوں نے دیکھا جس کے بعد انہوں نے متعلقہ محکمے کو مطلع کیا۔ محکمہ وائلڈ لائف حکام کے مطابق چیتے کی موت گلے میں تار کا ٹکڑا پھنسنے کی وجہ سے ہوئی۔
وائلڈ لائف حکام کے مطابق مرنے والا چیتا سمتران نسل کا تھا جس کی عمر دو سال کے قریب تھی۔
انسپیکٹر جنرل کا کہنا تھا کہ ’چیتے کی گردن میں تار کا ٹکڑا پھنسا ہوا تھا، جس کی وجہ سے اُسے سانس لینے میں مسئلہ ہوا اور یہی موت کی وجہ بھی بنا‘۔
اُن کا کہنا تھا کہ مرنے والی مادہ ابھی تک ماں نہیں بنی تھی، یہ ہمارے لیے تشویشناک بات ہے کیونکہ اس وقت ملک میں سمراتن نسل کے صرف 400 چیتے باقی ہیں۔
محکمہ وائلڈ لائف کے حکام نے مردہ چیتے کو مزید تحقیق کے لیے لیبارٹری منتقل کردیا جہاں اُس کے جسم کے مختلف حصوں کے نمونے لے کر ان سے ادویات تیار کی جائیں گی۔
