تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

امریکی صدر پر قوم کو نسلی بنیاد پر تقسیم کرنے کی تنقید

واشنگٹن: امریکی صدر ڈونلڈ ٹرمپ پر قوم کو نسلی بنیاد پر تقسیم کرنے کے حوالے سے تنقید بھی سامنے آ گئی ہے۔

امریکی میڈیا کے مطابق صدارتی انتخابات میں ٹرمپ کے مخالف امیدوار جوبائیڈن نے صدر ٹرمپ پر کڑی تنقید کرتے ہوئے کہا کہ ان کے بیانات ایسے ہیں جیسے مشن پورا ہو گیا ہو، صدر ٹرمپ رنگ نسل کی بنیاد پر قوم کو تقسیم کر رہے ہیں۔

جوزف روبینیٹ بائیڈن نے اپنے بیان میں کہا کہ لاکھوں نوکریاں آنے پر میں بھی خوش ہوں، تاہم امریکی معیشت کی بحالی کے لیے ابھی بہت کام کرنا باقی ہے، 2 کروڑ افراد اب بھی بے روزگار ہیں۔

انھوں نے کہا اس حوالے سے صدر ڈونلڈ ٹرمپ کا رویہ قابل فکر ہے، میز پر کھانا لانے کے لیے لوگ اب بھی جدوجہد کر رہے ہیں، بے روزگاری کی شرح اب بھی بلند ترین سطح پر ہے، صدر ٹرمپ وبا کی صورت حال میں بری طرح ناکام ہوئے، انھیں اب بھی معاملات کی سمجھ نہیں آ رہی۔

امریکی معیشت کے لیے اچھی خبریں آنا شروع، مارکیٹ میں لاکھوں نوکریاں

واضح رہے کہ امریکی صدر نے سیاہ فام غیر مسلح شہری جارج فلائیڈ کی پولیس اہل کار کے ہاتھوں قتل کے بعد واشنگٹن میں ہونے والے مظاہرے ختم کرنے کے لیے نیشنل گارڈز کو مسلح کرنے کا بھی حکم دے دیا تھا، جسے امریکی محکمہ دفاع نے مسترد کر دیا۔

امریکی میڈیا کا کہنا ہے کہ امریکی وزیر دفاع مارک ایسپر نے نیشنل گارڈزکو غیر مسلح کرنے کا حکم دے دیا ہے، اور انھوں نے یہ فیصلہ وائٹ ہاؤس کی مشاورت کے بغیر کیا، اور واشنگٹن میں فوج کو تعینات کرنے کی بجائے واپس بھیج دیا گیا۔

Comments

- Advertisement -