دوحا: کروشیا نے فیفا ورلڈکپ میں کینیڈا کی اگلے مرحلے تک رسائی کو مشکل بنادیا۔
تفصیلات کے مطابق دوحا کے خلیفہ انٹرنینشل اسٹیڈیم میں کھیلے گئے گروپ ایف کے میچ میں کروشیا نے کینیڈا کو 1-4 سے شکست دے دی۔
کینیڈا نے میچ کے آغاز پر ہی گول کرتے ہوئے برتری دلائی، جس کے بعد کروشیا نے جارحانہ حکمت عملی اپنائی اور مخالف ٹیم کے گول پوسٹ پر متواتر حملے کئے۔
کروشیا کو پہلی کامیابی اس وقت ملی جب اینڈریج کرامیرک نے گول کرتے ہوئے مقابلہ برابر کردیا،آٹھ منٹ کے وقفے مارکولو نے کروشیا کی جانب سے دوسرا گول داغ کر اپنی ٹیم کو ایک گول کی برتری دلادی۔
پہلے ہاف کے اختتام پر مقابلہ 1-2 تھا۔
یہ بھی پڑھیں: فیفا ورلڈ کپ، بیلجیئم نے کینیڈا کو ایک صفر سے قابو کرلیا
دوسرے ہاف میں کروشیا نے جارحانہ انداز جاری رکھا، میچ کے 70ویں منٹ میں اینڈریج کرامیرک نے دوسرا گول داغ کر اپنی ٹیم کی برتری کو دوگنا کیا۔
کھیل ختم ہونے سے دو منٹ قبل کروشیا کے لورو مجیر نے ایک اور گول داغ کر کروشیا کی برتری کو 1-4 کردیا۔
کینیڈا مسلسل دو شکستوں کے باعث میگا ایونٹ سے باہر ہوگیا ہے
