site
stats
حیرت انگیز

مگرمچھ کا شکاری خود شکار بن گیا

ہرارے: زمبابوے میں مگر مچھ کے شکار کے لیے جانے والا شکاری خود ہی شکار بن گیا‘ بدقسمت شکاری کی ہڈیاں مگرمچھ کے پیٹ سے ملیں۔

تفصیلات کے مطابق جنوبی افریقہ سے تعلق رکھنے والااسکاٹ وین زائل نامی وائلڈ لائف شکاری گزشتہ ہفتے مگرمچھ کے شکار کےدوران لاپتہ ہوگیا تھا۔

اسکاٹ کا کتا شکاری کیمپ تنہا لوٹ آیا تھا جس کے بعد اس کی تلاش شروع کی گئی اور اس کے قدموں کے نشان دریا کنارے تک جا کر معدوم ہوگئے جبکہ اس سامان بھی وہیں پڑا ملا۔

گھوڑے کی مگر مچھ کو کچلنے کی کوشش


مقامی گروپ کے مطابق اسکاٹ کے پاس تین مگرمچھوں کے شکار کااجازت نامہ موجود تھا اوراسکے ساتھ ایک مقامی شکاری بھی تھا‘ دونوں الگ الگ سمتوں میں گئے جہاں اسکاٹ کے ساتھ یہ اندوہناک حادثہ پیش آیا۔

جب مگر مچھ کو شکار کیا گیا تو اس کے پیٹ سے ملنے والی باقیات کا ڈی این اے ٹیسٹ کرایا گیا جس کے ذریعے تصدیق ہوئی کہ مگرمچھ کے پیٹ سے برآمد ہونے والی ہڈیاں اسکاٹ کی ہی ہیں۔

ون گرین پلانٹ نامی ایک این جی او اپنے بیان میں افسوس کا اظہار کرتے ہوئے کہاکہ ’’شکاری خود ہی موت کے منہ میں گیا، جانور جب جنگل میں ہوتے ہیں تو انتہائی وحشی ہوتے ہیں اور اپنی بقا کی صلاحیتوں سے لیس بھی‘‘۔

یاد رہے کہ رواں سال مگرمچھوں کے ہاتھوں انسان کی ہلاکت کا یہ چوتھا واقعہ ہے جبکہ اس سے قبل بھی ایسے کئی واقعات پیش آچکے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top