کور کمانڈر کراچی کی وزیراعلیٰ سندھ سید قائم علی شاہ سے ملاقات -
The news is by your side.

Advertisement

کور کمانڈر کراچی کی وزیراعلیٰ سندھ سید قائم علی شاہ سے ملاقات

کراچی: کور کمانڈر کراچی لیفٹنٹ جنرل نوید مختیار نے وزیراعلیٰ سندھ سید قائم علی شاہ سے وزیراعلیٰ ہاوٴس میں ملاقات کی۔

ملاقات میں وزیراعلیٰ سندھ اور کور کمانڈر نوید مختار نے صوبہ سندھ باالخصوص کراچی کی امن و امان کی مجموعی صورتحال ، دہشت گردوں کے خلاف ٹارگیٹیڈ آپریشن ، نیشنل ایکشن پلان پر عملدرآمد سمیت مختلف امور پر تبادلہ خیال کیا۔

ملاقات میں اپیکس کمیٹی کے فیصلوں جن میں انسداد دہشت گردی کی عدالتوں کے قیام مستحکم انوسٹی گیشن اور ہائی پروفائل کیسز کی مناسب طریقے سے فالو اپ شامل ہیں پر عملدرآمد کے حوالے سے بھی غور کیا گیا۔

وزیراعلیٰ سندھ نے کہا کہ انہوں نے نئے آئی جی پولیس سندھ اے ڈی خواجہ سے کہا ہے کہ وہ انوسٹی گیشن کے سسٹم کو مستحکم بنائیں تاکہ مضبوط پر اسیکیوشن کو یقینی بنایا جاسکے۔

انہوں نے کہا کہ اپیکس کمیٹی میں انوسٹی گیشن آفیسرز (آئی روز) کے لئے ترغیبات سے متعلق فیصلے پر بھی عملدرآمد ہورہا ہے اور اس مقصد کے لئے ضروری ہدایات جاری کی جاچکی ہیں۔

انہوں نے کہا کہ حکومت نیشنل ایکشن پلان پر اس کی اصل روح کے مطابق عمل کرنے کی خواہاں ہے، انہوں نے مزید کہا کہ پولیس کو جدید ضروری آلات سے لیس کر کے مزید مستحکم اور فعال بنایا جار ہا ہے۔

Comments

comments

یہ بھی پڑھیں