The news is by your side.

Advertisement

آج خام تیل کی قیمتوں میں کتنا اتار چڑھاؤ ہوا؟

عالمی مارکیٹ میں ٹریڈنگ کے دوران خام تیل کی قیمت میں گراوٹ کا سلسلہ جاری ہے۔

غیر ملکی خبر رساں ایجنسی کے مطابق برینٹ خام تیل دو ڈالر5 سینٹ کمی کےساتھ 109.22 ڈالرفی بیرل پر آگیا جبکہ برینٹ نارتھ خام تیل تقریباً دو ڈالر کمی سے 103ڈالر فی بیرل کا ہوگیا۔

گذشتہ ایک ہفتے کے دوران عالمی سطح پر خام تیل کی قیمتوں میں 10 ڈالر فی بیرل کے قریب کمی واقع ہوئی ہے، جس کی بڑی وجہ دنیا بھر میں شرح سود بڑھنے سے معاشی سرگرمیوں کا محدود بتایا جارہا ہے۔

یہ بھی پڑھیں: پیٹرول درآمد کرنے والے امپورٹرز پر ڈیوٹی عائد

اس سے قبل اٹھارہ جون کو بھی امریکی خام تیل کی قیمت 9ڈالر سے زائد کمی سے 108ڈالر 5سینٹ فی بیرل ہوئی تھی جبکہ برطانیہ میں برینٹ نارتھ خام تیل تقریباً 8ڈالر کمی سے 112ڈالر فی بیرل کا ہوا تھا۔

معاشی ماہرین کا کہنا ہے کہ عالمی معیشت میں کساد بازاری کے خطرات منڈلا رہے ہیں جس کے باعث تیل کی قیمتیں گر رہی ہیں۔

ادھر پاکستان میں وفاقی بورڈ آف ریونیو (ایف بی آر) نے پیٹرول درآمد کرنے والے امپورٹرز پر 10 فیصد ریگولیٹری ڈیوٹی عائد کردی ہے۔

Comments

یہ بھی پڑھیں