انسداد دہشت گردی ونگ کا انسپکٹراغواء برائے تاوان میں ملوث نکلا -
The news is by your side.

Advertisement

انسداد دہشت گردی ونگ کا انسپکٹراغواء برائے تاوان میں ملوث نکلا

کراچی : کاؤنٹر ٹیررازم ڈپارٹمنٹ کا انسپکٹراغوا برائے تاوان میں ملوث نکلا، تاوان وصولی کے باوجود مغوی کو رہا نہ کیا، ایڈیشنل آئی جی نے مداخلت کرکے شہری کو رہا کرایا، مذکورہ انسپکٹر کے خلاف مقدمہ درج کرلیا گیا

تفصیلات کے مطابق سی ٹی ڈی (کاؤنٹر ٹیرر ازم ڈپارٹمنٹ) کے انسپکٹر اظہر نے ڈیڑھ ماہ قبل اورنگی ٹاؤن سے ایک شہری مظہر کو حراست میں لیا اور رہائی کے عوض اہل خانہ سے ایک لاکھ روپے کا تقاضہ کیا۔

شہری کی اہلیہ نے انسپکٹر کو ایک لاکھ روپے کی رقم دی تاہم رقم وصولی کے باوجود ملزم انسپکٹر نے شہری کورہا کرنے سے انکار کردیا۔ بعدازاں اہلیہ نے ایڈیشنل آئی جی سے درخواست کی۔

ایڈیشنل آئی جی سی ٹی ڈی نے شکایت ملنے پر فوری طور پر کارروائی کرتے ہوئے شہری مظہر کو انسپکٹر اظہر کے حبس بے جا سے آزاد کرایا بعد ازاں کاؤنٹر ٹیرر ازم ڈپارٹمنٹ نے انسپکٹر اظہر کے خلاف اغواء برائے تاوان کا مقدمہ درج کرلیا۔

 

Comments

comments

یہ بھی پڑھیں