The news is by your side.

Advertisement

دہشت گردوں کا سیاسی جلسے پر دہشت گردی کا منصوبہ : اسلام آباد بڑی تباہی سے بچ گیا

اسلام آباد : سی ٹی ڈی اورحساس اداروں نے اسلام آباد کو بڑی تباہی سے بچالیا اور کارروائی کے دوران سیاسی جلسے پر دہشت گردی کامنصوبہ بنانے والے 4 دہشت گرد کو گرفتار کرلیا۔

تفصیلات کے مطابق اسلام آباد بڑی تباہی سے بچ گیا، سی ٹی ڈی اور حساس اداروں نے مشترکہ کارروائی کی اور کارروائی کے دوران 4 دہشت گردوں کو گرفتار کرلیا جبکہ ایک فرار ہوگیا۔

سی ٹی ڈی حکام کا کہنا تھا کہ دہشت گردوں نے سیاسی جلسے پر دہشت گردی کا منصوبہ بنا رکھا تھا ، دہشت گردوں کا تعلق کالعدم ٹی ٹی پی سوات گروپ سے ہے۔

حکام نے مزید بتایا کہ دہشت گردوں سے 5کلو دھماکا خیز مواد برآمد کرکے مقدمہ درج کرلیا ہے ، دہشت گردوں نے افغانستان سے ٹریننگ حاصل کی ہے۔

یاد رہے خیبر پختوںخواہ کے ضلع لکی مروت میں تھانہ درہ پیزو کی حدود شیری خیل کے قریب خفیہ اطلاع پر پولیس اور سیکیورٹی فورسز کے مشترکہ سرچ آپریشن میں چار دہشت گرد مارے گئے جبکہ ایک دہشت گرد سید زمان زخمی ہوگیا ، جس کی گرفتاری کلیئے کوششیں جاری ہے۔

Comments

یہ بھی پڑھیں