The news is by your side.

Advertisement

سی ٹی ڈی اور حساس اداروں کی کاروائی، آٹھ دہشت گرد ہلاک

ملتان : سی ٹی ڈی اور حساس اداروں کی نواب پور دریائے چناب کے قریب کاروائی، کالعدم تنظیم کےآٹھ دہشت گرد مارے گئے.

تفصیلات کےمطابق ذرائع کے مطابق سی ٹی ڈی اور خفیہ اداروں کو اطلاع موصول ہوئی کہ کالعدم تنظیم کےمبینہ دہشت گرد ملتان کے علاقے نواب پور میں دریا کے قریب موجود ہیں جس پرچھاپہ ماراگیا تو دہشت گردوں نے فائرنگ شروع کر دی.

سی ٹی ڈی اور حساس اداروں کی جوابی فائرنگ کے تبادلے میں طیب عرف عبدالمتین، منیب رزاق عرف عبدالرحمن ، ذیشان عرف ابو دوجانہ سمیت آٹھ دہشت مارے گئے، جبکہ چھ دہشت گرد موقع سے فرار ہونے میں کامیاب ہو گئے.

حساس اداروں نے ہلاک دہشت گردوں کے پاس سے خود کش جیکٹ، اے کے سینتالیس رائفلز، پسٹلز اور دستی بم برآمد کر لیے.

سی ٹی ڈی اور حساس اداروں کی کاروائی میں ہلاک ہونے والے دہشت گرد منیب رزاق عرف عبدالرحمان اور ذیشان عرف ابو دوجانہ سرگودھا میں بریگیڈئیر فضل قادری کو نشانہ بنانے میں ملوث تھے جبکہ طیب عرف عبدالمتین پریڈ لائن راولپنڈی میں حملے کا ماسٹر مائنڈ تھا.

Comments

comments

یہ بھی پڑھیں