لاہور: سی ٹی ڈی کی کارروائی، داعش کے 8 دہشت گرد گرفتار -
The news is by your side.

Advertisement

لاہور: سی ٹی ڈی کی کارروائی، داعش کے 8 دہشت گرد گرفتار

لاہور: صوبہ پنجاب کے دارالحکومت لاہور میں قانون نافذ کرنے والے اداروں نے کارروائی کرتے ہوئے داعش کے 8 دہشت گردوں کو گرفتار کرلیا۔ دہشت گرد دوبارہ شام، ایران اور افغانستان جانے کی کوشش کر رہے تھے۔

تفصیلات کے مطابق لاہور میں قانون نافذ کرنے والے اداروں نے دہشت گردی کا منصوبہ ناکام بنا دیا۔ سی ٹی ڈی نے کارروائی کرتے ہوئے داعش کے 8 دہشت گردوں کو گرفتار کرلیا۔

سی ٹی ڈی حکام کے مطابق دہشت گردوں نے شام اور افغانستان میں ٹریننگ حاصل کی تھی۔ دہشت گرد دوبارہ شام، ایران اور افغانستان جانے کی کوشش کر رہے تھے جسے ناکام بناتے ہوئے انہیں گرفتار کرلیا گیا۔

حکام نے بتایا کہ دہشت گردوں کو 3 ماہ کی موبائل ریکارڈنگ کے بعد پکڑا گیا۔۔ گرفتار دہشت گرد نبیل ابو عبداللہ پنجاب میں داعش کا کمانڈر ہے۔ شام میں موجود قاری آصف نے سوشل میڈیا کے ذریعے انہیں تیار کیا۔

دہشت گردوں کے خلاف تھانہ سٹی سی ٹی ڈی میں مقدمہ درج کرلیا گیا اور انہیں تفتیش کے لیے نامعلوم مقام پر منتقل کر دیا گیا ہے۔

Comments

comments

یہ بھی پڑھیں