The news is by your side.

Advertisement

سی ڈی ٹی کی کارروائی ، کالعدم ٹی ٹی پی کا دہشت گرد احسان اللہ عرف طلحہٰ گرفتار

پشاور : کاؤنٹر ٹیرارزم ڈیپارٹمنٹ ملاکنڈ ریجن نے کارروائی کرتے ہوئے کالعدم ٹی ٹی پی کے دہشت گرد احسان اللہ عرف طلحہٰ کو گرفتار کرلیا۔

تفصیلات کے مطابق خیبر پختونخواہ کے دارلحکومت پشاور میں کاؤنٹر ٹیرارزم ڈیپارٹمنٹ ملاکنڈ ریجن نے کارروائی کی اور کالعدم ٹی ٹی پی ک کے دہشت گرد احسان اللہ عرف طلحہٰ کو گرفتار کرلیا ، دہشت گرد کی گرفتاری ضلع بونیر سے ہوئی۔

،سی ٹی ڈی کا کہنا تھا کہ ہشت گرد سےاسلحہ،ایمونیشن اورہینڈ گرنیڈ برآمد کرلیا ، صوبائی حکومت نےگرفتاری پر20لاکھ روپےانعام مقررکیاتھا، ملزم نے 2009 میں بونیر اور دیگرعلاقوں میں بم نصب کیے تھے۔

گذشتہ ہفتے کاؤنٹر ٹیررزم ڈیپارٹمنٹ ( سی ٹی ڈی) نے پنجاب کے مختلف اضلاع میں انٹیلی جنس بیسڈ 39 کارروائیوں کے دوران 8 دہشت گردوں کو گرفتار کرلیا تھا

سی ٹی ڈی ترجمان نے بتایا تھا کہ لاہور سے کالعدم تنظیم کے4دہشت گرد وں کوگرفتارکیاگیا، جن میں مشتاق، سمیع اللہ، عادل جمال اور اسامہ شامل ہیں۔

ترجمان کے مطابق حافظ آباد سے کالعدم تنظیم کےلیےچندہ اکٹھاکرنے والے مشالی خان کو گرفتار کرکے رسیدیں ، کاربن پیپر اور9250 روپے برآمد کرلئے گئے۔

Comments

یہ بھی پڑھیں