The news is by your side.

Advertisement

سی ٹی ڈی کی پنجاب کے اضلاع میں کارروائیاں، کالعدم تنظیموں کے 7 دہشت گرد گرفتار

لاہور : محکمہ انسداد دہشت گردی ( سی ٹی ڈی) نے پنجاب کے مختلف اضلاع سے کالعدم تنظیموں کے 7 مبینہ دہشت گردوں کو گرفتار کرلیا۔

تفصیلات کے مطابق محکمہ انسداد دہشت گردی ( سی ٹی ڈی) نے پنجاب کے مختلف اضلاع میں کارروائیاں کیں اور کارروائیوں کے دوران 7 مبینہ دہشت گردوں کو گرفتار کرلیا۔

ذرائع سی ٹی ڈی نے بتایا کہ مبینہ دہشت گردوں کیخلاف 6 مختلف مقدمات بھی درج ہیں اور تمام گرفتار ملزمان کا تعلق کالعدم تنظیموں سے ہے۔

ذرائع کا کہنا تھا کہ 18 مشتبہ افراد سے تحقیقات کی گئیں اور کارروائیوں کے دوران 885گرام بارودی مواد ،6دستی بم ،9سیفٹی فیوز ، 50 ہزار ، موبائل فون اور منوعہ لٹریچر بھی برآمد ہوا۔

یاد رہے دو ماہ قبل صوبہ پنجاب میں محکمہ انسداد دہشت گردی (سی ٹی ڈی) نے متعدد کارروائیوں کے دوران 4 دہشت گرد گرفتار کئے تھے اور ملزمان سے دھماکہ خیز مواد بھی برآمد کرلیا تھا۔

ترجمان سی ٹی ڈی کا کہنا تھا کہ دہشت گردوں کی شناخت یوسف، اشرف، سعید اور حبیب کے نام سے ہوئی ہے، گرفتار ملزمان کا تعلق کالعدم تنظیم سے ہے۔

Comments

یہ بھی پڑھیں