site
stats
پاکستان

کراچی : مبینہ خودکش حملہ آور سمیت 3 دہشتگرد گرفتار، خودکش جیکٹ برآمد

کراچی: شہر قائد میں سی ٹی ڈی پولیس نے ایک کارروائی کے دوران مبینہ خودکش حملہ آور سمیت تین دہشت گردوں کو گرفتار کرکے تیار خودکش جیکٹ ، دستی بم اور اسلحہ برآمد کیا ہے۔

تفصیلات کے مطابق ملزمان نے کراچی میں بڑی دہشت گردی کی منصوبہ بندی کررکھی تھی، انچارج سی ٹی دی علی رضا کے مطابق پولیس نے خفیہ اطلاع پر منگھوپیر کے علاقے میں مقابلے کے بعد مبینہ خودکش حملہ آور تاج محمد عرف سلمان سمیت سیف الرحمان اور عادل کو گرفتار کرکے تین خود کش جیکٹ، چار دستی بم اور اسلحہ برآمد کیاہے۔

پولیس کا دعویٰ ہے کہ مبینہ خودکش حملہ آور تاج محمد 2014 میں پنجاب میں خودکش حنلے کیلئے نکلا تھا، مظفر گڑھ، محمود کوٹ روڈ پر پولیس مقابلے میں اس کے چار ساتھی مارے گئے ، اور حملہ ناکام ہوگیا، جس کے بعد وہ افغانستان فرار ہوگیا تھا اور 2015 میں واپس کراچی میں آیا۔

پولیس کے مطابق ملزمان کا تعلق تحریک طالبان سوات سے ہے پولیس کا یہ بھی دعویٰ ہے کہ ملزمان نے کراچی میں کسی بڑی دہشت گردی کی منصوبہ بندی بنارکھی تھی جسے ناکام بنا دیا گیا ہے، ملزمان کے مزید ساتھیوں کی تلاش جاری ہے ۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top