The news is by your side.

Advertisement

کراچی سے انتہائی مطلوب دہشت گرد گرفتار

کراچی : سی ٹی ڈی اور حساس ادارے نے انتہائی مطلوب دہشت گرد سید کاشف علی شاہ عرف شاہین کو گرفتارکرلیا، گرفتار دہشت گرد کا نام ریڈ بک کے نئے ایڈیشن میں صفحہ نمبر 77 پر موجود ہے۔

تفصیلات کے مطابق کراچی میں سی ٹی ڈی اور حساس ادارے نے مشترکہ کارروائی کی اور کارروائی کے دوران انتہائی مطلوب دہشت گرد کاشف علی شاہ عرف شاہین کو گرفتار کرلیا۔

انچارج سی ٹی ڈی راجا عمر خطاب نے بتایا کہ گرفتار دہشت گرد کا نام ریڈبک میں شامل ہے، مبینہ دہشتگرد کو لائنز یا کراچی سے گرفتار کیا گیا ، گرفتار ملزم کا تعلق کالعدم تنظیم جنداللہ،القاعدہ سے ہے۔

حکام کا کہنا تھا کہ دہشت گرد2004میں کورکمانڈرکراچی پرحملے میں ملوث دہشت گردوں کاساتھی ہے ، ملزم حملے کے بعد سے پاکستان کے مختلف شہروں میں روپوش رہا۔

سی ٹی ڈی نے بتایا ملزم کاشف علی کافی عرصے سے راولپنڈی میں روپوش تھا ، کراچی پہنچنے کی انٹیلی جنس سےاطلاع ملی جس پر گرفتار کیا گیا ، گرفتار دہشت گرد کراچی میں سلیپرسیل چلانے کی کوشش کر رہا تھا ،سی ٹی ڈی

حکام نے کہا کہ مبینہ دہشت گرد بڑی کارروائی کے لیے کراچی میں موجود تھا، مزید تفتیش جاری ہے، گرفتار ملزم کی گرفتاری پر حکومت سندھ نے پانچ لاکھ کا انعام رکھا تھا۔

Comments

یہ بھی پڑھیں