پنجاب: سی ٹی ڈی نے صوبے بھر میں انٹیلی جنس آپریشن کرتے ہوئے چار دہشت گردوں کو گرفتار کرلیا ہے۔
ترجمان سی ٹی ڈی کے مطابق دہشت گردی کے پیش نظر پنجاب بھر میں انٹیلی جنس بیسڈ آپریشن کئے گئے، جس میں چار دہشت گردوں کو گرفتار کیا گیا، گرفتار دہشت گردوں میں فضل الٰہی، محمد یاسر ،عبداللہ، بلال قاسم شامل ہیں، اس کے علاوہ اٹھارہ سے زائد مشتبہ افراد کو پوچھ گچھ کے لئے حراست میں لیا گیا۔
ترجمان کے مطابق دہشت گردوں سے بارودی مواد،سیفٹی فیوز،ڈیٹونیٹراورکیش برآمد کیا گیا، سی ٹی ڈی کے مطابق تمام دہشت گردوں کا تعلق کالعدم تنظیم سے ہے۔
واضح رہے کہ رواں ماہ خیبر پختونخوا کے شہر بنوں میں کارروائی کرتے ہوئے سی ٹی ڈی نے پانچ دہشت گردوں کو ہلاک کردیا تھا، ہلاک ملزمان کے قبضے سے تین کلاشنکوف، نائن ایم ایم پستول اور بارود قبضے میں لئے گئے تھے۔
