(31 جنوری 2026): کوئٹہ کے علاقے سریاب میں سی ٹی ڈی کی کارروائی میں 3 مبینہ دہشت گرد مارے گئے۔
سی ٹی ڈی کے ترجمان کے مطابق دہشت گردوں کے زیرِ انتظام کمپاؤنڈ سے اسلحہ، دستی بم اور کالعدم تنظیم کا لٹریچر برآمد ہوا ہے۔
کارروائی کے دوران مسلح افراد اور سی ٹی ڈی کے درمیان فائرنگ کا تبادلہ ہوا تھا، بعد ازاں علاقے کو گھیرے میں لے کر کمپاؤنڈ کو کلیئر کر دیا گیا۔
دوسری جانب نصیرآباد کے علاقہ ڈھاڈر میں کمڑی پل کے قریب نامعلوم مسلح افراد نے پولیس وین کو آگ لگا دی، ملزمان تین پولیس اہلکاروں اور ڈرائیور کو اغوا کر کے لے گئے۔
پولیس حکام کا کہنا ہے کہ کچھ دور جا کر ملزمان نے انسپکٹر سمیت تین اہلکاروں کو چھوڑ دیا اور فرار ہوگئے، ڈرائیور کا پتہ نہ چل سکا جبکہ پولیس کا علاقے میں سرچ آپریشن جاری ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں