لاہور : پنجاب بھر میں سی ٹی ڈی 366 کومبنگ آپریشن کے دوران 281 مشکوک افراد کو گرفتارکرکے 203مقدمات درج کرلئے۔
تفصیلات کے مطابق پنجاب بھرمیں سی ٹی ڈی کی کارروائیاں جاری ہے ، ترجمان سی ٹی ڈی نے بتایا کہ گزشتہ تین روزمیں366کومبنگ آپریشن کئے گئے۔
ترجمان کا کہنا تھا کہ کومبنگ آپریشنز میں پنجاب بھرمیں 732مقامات پرچیکنگ کی گئی اور 15ہزارسےزائدمشتبہ افرادکوچیک کیاگیا ۔
سی ٹی ڈی ترجمان نے کہا 281 مشکوک افراد کو گرفتارکرکے 203مقدمات درج کرلئے ہیں جبکہ لاہور سے 82مشتبہ افراد کو گرفتار کر کے 49 مقدمات درج کیے گئے۔
گذشتہ روز سی ٹی ڈی نے خانیوال میں کارروائی کرتے ہوئے دو دہشت گردوں کو گرفتارکیا تھا ، گرفتار دہشت گردوں کا تعلق کالعدم تنظیم داعش سے تھا۔
ترجمان نے بتایا تھا گرفتار دہشت گردوں میں عمران حیدر اور ریاض احمد شامل ہیں ، ان کے قبضے سے ستی بم، اسلحہ اور ممنوعہ لٹریچر برآمد ہوا ہے ، جس کے مطابق دہشت گردوں کا ہدف اہم تنصیبات اور عبادت گاہیں تھیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں