The news is by your side.

Advertisement

کالعدم تحریک طالبان کے ٹارگٹ کلر سمیت 5 ملزمان گرفتار

کراچی: صوبہ سندھ کے دارالحکومت کراچی میں قانون نافذ کرنے والے ادارے کی کارروائی میں کالعدم تحریک طالبان اور سیاسی جماعت کے ٹارگٹ کلر سمیت 5 ملزمان کو گرفتار کرلیا گیا۔

محکمہ انسداد دہشت گردی کے ترجمان کے مطابق ملزمان کو کراچی کے مختلف علاقوں سے چھاپہ مار کارروائیوں میں گرفتار کیا گیا۔ ملزمان میں عبد الرحمٰن، ملک رضوان، حمید اللہ، انعام داد اور شفیق الدین شامل ہیں۔

ترجمان کا کہنا ہے کہ گرفتار ملزم شفیق الدین کراچی کے علاقے کورنگی 6 میں رینجرز پر حملے میں ملوث تھا۔ حملے میں ایک حوالدار شہید اور 2 جوان زخمی ہوگئے تھے۔

ترجمان کے مطابق گرفتار ملزم کا تعلق ایم کیو ایم حقیقی سے ہے اور ملزم اس سے پہلے 23 مقدمات میں ملوث رہا ہے۔

ایک اور ملزم عبد الرحمٰن تحریک طالبان کے لیے گلشن اقبال سے چندہ جمع کر رہا تھا، ملزم پیشے سے ڈاکٹر ہے اور جہادی ٹریننگ افغانستان سے حاصل کی۔

ترجمان کا کہنا ہے کہ ملزم زخمی دہشت گردوں کے خفیہ علاج معالجے میں بھی ملوث تھا۔ گرفتار کیے گئے دیگر ملزمان کا تعلق تحریک طالبان ولی محمد گروپ سے ہے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں