The news is by your side.

Advertisement

کوئٹہ: کچلاک دھماکے کا مقدمہ درج

کوئٹہ: صوبہ بلوچستان کے شہر کوئٹہ میں دھماکے کے بعد آج دوسرے روز بھی شہر کی فضا سوگوار ہے۔ دھماکے کا مقدمہ سی ٹی ڈی تھانے میں درج کرلیا گیا۔

تفصیلات کے مطابق گزشتہ روز کوئٹہ کے قصبے کچلاک میں ہونے والے دھماکے کے باعث فضا سوگوار ہے۔ کچلاک مسجد دھماکے کی تحقیقات جاری ہیں،شواہد جمع کر لیے گئے۔

پولیس کے مطابق کچلاک دھماکے کا مقدمہ سی ٹی ڈی تھانے میں درج کرلیا گیا، مقدمہ جاں بحق شخص کے رشتہ دار کی مدعیت میں درج کیا گیا۔

پولیس حکام کا کہنا ہے کہ مقدمے میں قتل ،اقدام قتل، دھماکا خیزمواد رکھنے اوردہشت گردی کی دفعات شامل ہیں۔

کوئٹہ: مدرسے میں نماز جمعہ کے دوران دھماکہ، 7 افراد جاں بحق

یاد رہے کہ گزشتہ روز صوبہ بلوچستان کے دارالحکومت کوئٹہ میں مدرسے میں نماز جمعہ کے دوران دھماکہ ہوا تھا جس میں 7 افراد جاں بحق جبکہ 22 زخمی ہوگئے تھے۔

کوئٹہ، شو مارکیٹ میں دھماکا، ایک شخص جاں بحق، 9 زخمی

اس سے قبل 6 اگست کو بھی کوئٹہ ٹک ٹک گلی شو مارکیٹ میں دھماکہ ہوا تھا جس کے نتیجے میں ایک شخص جاں بحق اور 9 افراد زخمی ہوگئے تھے۔ دھماکے سے ایک دکان تباہ ہوئی جبکہ زخمیوں میں 2 بچے بھی شامل تھے۔

Comments

comments

یہ بھی پڑھیں