سکھر : سی ٹی ڈی سکھر کی ٹیم نے کامیاب کارروائی کرکے کالعدم تنظیم کے خطرناک دہشت گرد کو گرفتار کرکے مقدمہ درج کرلیا۔
اس حوالے سے ترجمان سی ٹی ڈی نے بتایا کہ دہشت گرد کو خفیہ اطلاع پر ببرلو پیرگوٹھ روڈ پر کارروائی کے دوران گرفتار کیا گیا،۔
گرفتار دہشت گرد فاروق شاہ کالعدم تنظیم کے اسٹوڈنٹ ونگ کا صوبائی صدر اور سٹی کا امیر تھا
ملزم دہشت گردی کے7ہائی پروفائل مقدمات میں پولیس کو مطلوب ہے۔
دہشت گرد فاروق شاہ سی ٹی ڈی کی ریڈ بک اور فورتھ شیڈول میں شامل ہے، وہ کالعدم تنظیم کیلئے بھرتی،اغواء برائے تاوان کی وارداتون میں بھی ملوث ہے۔
سی ٹی ڈی حکام کا کہنا ہے کہ دہشت گرد نے کوٹلی آزاد کشمیر، افغانستان کے حافظ کیمپ میں ٹریننگ لی اور جدید اسلحہ چلانے، بم بنانے کی تربیت بھی حاصل کر رکھی ہے۔
گرفتار دہشت گرد فاروق شاہ سے ایک پستول اور5 گولیاں برآمد ہوئیں، گرفتار دہشت گرد فاروق شاہ سے مزید تفتیش جاری ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں