The news is by your side.

Advertisement

کراچی، گاڑیوں کے کالے شیشے پر گرینڈ آپریشن کل سے ہوگا

کراچی: کراچی کے شہری ہوجائیں ہوشیار کیونکہ گاڑیوں کے کالے شیشے پر گرینڈ آپریشن کا آغاز کل سے کیا جارہا ہے۔

تفصیلات کے مطابق شہر قائد میں ہیلمٹ کی پابندی کی 20 روز سے جاری رہنے والی مہم کی کامیابی کے بعد اب ٹریفک پولیس کالے شیشے والی گاڑیوں کے خلاف گرینڈ آپریشن کرے گی۔

ذرائع کے مطابق پولیس کے اعلیٰ افسران کو بھی گاڑیوں سے کالے شیشے ہٹانے کی ہدایت کردی گئی ہے۔

ایس ایس پی ٹریفک کا کہنا ہے کہ پولیس افسر کی کالے شیشے ولای گاڑی کے خلاف بھی کارروائی ہوگی، گاڑیوں پر کالے شیشے کی خصوصی اجازت لینے والے اس سے مستثنیٰ ہوں گے۔

مزید پڑھیں: ہیلمٹ کے بعد کراچی میں رانگ وے پر گاڑی چلانے والوں کے خلاف مہم

ڈی آئی جی ٹریفک جاوید مہر نے کہا تھا کہ ہیلمٹ کی پابندی کی مہم کے بعد اب ٹریفک پولیس ون وے کی خلاف ورزی کرنے والوں کے خلاف مہم شروع کرنے جارہی ہے۔

واضح رہے کہ دو روز قبل ڈی آئی جی ٹریفک جاوید مہر نے میڈیا سے گفتگو کرتے ہوئے کہا تھا کہ شہر قائد میں ہیلمٹ پابندی کی مہم کامیابی سے ہم کنار ہوئی، ایک جولائی سے لے کر بیس چلائی تک 300154 چالان کئے گئے جبکہ شہریوں کو اس موقع پر ہیلمٹ کی اہمیت سے آگاہ بھی کیا گیا۔

ڈی آئی جی ٹریفک نے ہیلمٹ مہم کو کامیابی سے ہمکنار کرانے پر مہم میں تعاون کرنے والے میڈیا اور دیگر سول سوسائٹی کا بھی شکریہ ادا کیا اور امید ظاہر کی کہ آئندہ بھی وہ شہریوں کے تحفظ کے لیے اپنا کردار ادا کرتے رہیں گے۔

Comments

یہ بھی پڑھیں