The news is by your side.

Advertisement

کیوبا کی کورونا ویکسین مؤثر ہے، سائنسدانوں نے بڑا دعویٰ کردیا

ہوانا : کیوبا کے سائنسدانوں نے دعویٰ کیا ہے کہ ان کی تیار کردہ کورونا ویکسین انتہائی موثر اور محفوظ ہے، مذکورہ ویکیسن عالمی ادارہ صحت کے معیار پر بھی پورا اترتی ہے۔

تفصیلات کے مطابق کیوبا کی کوویڈ-19 ویکسین ابدالا کے 92.28 فیصد موثر ہونے کا دعویٰ کیا گیا ہے، اس ویکسین کو تیار کرنے والے سینٹر برائے جینیٹک انجینئرنگ اینڈ بائیوٹیکنالوجی (سی آئی جی بی) نے یہ دعویٰ کیا ہے۔

اس حوالے سے ترجمان سی آئی جی بی نے کہا ہے کہ ابدالا 92.28 فیصد موثر پائی گئی ہے اور ورلڈ ہیلتھ آرگنائزیشن (ڈبلیو ایچ او) کے معیار پر پورا اترنے والی یہ دوسری ویکسین ہے۔”

اس سے قبل کیوبا کی بائیوٹیک کمپنیوں کے ایک گروپ بائیوکابا فارما نے فنلے انسٹی ٹیوٹ کے تیار کردہ سوبرانا 01 سوبرانا 02 ویکسین کو 62 فیصد موثر پایا تھا۔

اب تک کیوبا کے ماہرین نے کورونا وائرس کے خلاف پانچ ویکسین تیار کی ہیں۔ سوبرانا 01 ، سوبرانا 02 ، سوبرانا پلس ، ابدالہ اور ممبیسہ۔ سوبرانہ 02 اور ابدالہ کو صنعتی طور پر تیار کیا جارہا ہے۔

Comments

یہ بھی پڑھیں