تازہ ترین

وزیر اعظم کی ہدایت پر ثقافتی سفارت کاری کے آغاز کا اعلان

اسلام آباد: وزیر اعظم عمران خان کی ہدایت پر وزیر خارجہ شاہ محمود قریشی نے سفارت کاری کے فروغ کے لیے ایک اور اہم اقدام اٹھانے کا فیصلہ کیا ہے۔

تفصیلات کے مطابق وزیر اعظم عمران خان کی ہدایت پر ثقافتی سفارت کاری کے آغاز کا اعلان کردیا گیا۔ اس سلسلے میں وزیر خارجہ شاہ محمود قریشی کی وزیر سیاحت و ثقافت پختونخواہ عاطف خان سے ملاقات ہوئی۔

ملاقات میں پاکستانی ثقافت پر دنیا کی توجہ مبذول کروانے کے لیے سیاحت کے فروغ پر غور کیا گیا۔ وزیر خارجہ شاہ محمود قریشی کا کہنا تھا کہ پاکستان سیاحت کے اعتبار سے انتہائی اہم ملک بن چکا ہے۔

وزیر خارجہ نے کہا کہ پاکستان میں سیاحت کے بے پناہ مواقع ہیں، وزیر اعظم کی ہدایت پرغیر ملکی سیاحوں کو آن لائن ویزہ دے رہے ہیں جس سے سیاح آسانی سے پاکستان آسکیں گے۔

انہوں نے کہا کہ غیر ملکی سیاح تاریخی اور ثقافتی ورثے سے بھی مستفید ہوں گے، ثقافت اور سیاحت کے فروغ کے لیے مزید اقدامات کرنا ہوں گے۔

عاطف خان نے وزیر خارجہ کو خیبر پختونخواہ میں سیاحت کے فروغ کے لیے کیے جانے والے اقدامات سے بھی آگاہ کیا۔

Comments

- Advertisement -