دبئی : بھارتی لڑکیوں نے کپ کیک فروخت کرکے رقم کیرالہ فنڈ میں جمع کردی cupcakes-campaigns
The news is by your side.

Advertisement

دبئی : بھارتی لڑکیوں نے کپ کیک فروخت کرکے رقم کیرالہ فنڈ میں جمع کردی

دبئی : متحدہ عرب امارات کی رہائشی دو  بھارتی لڑکیوں نے سات روز تک کپ کیک فروخت کرکے رقم کیرالہ سیلاب متاثرین کی امداد کے لیے وزیراعلیٰ ریلیف فنڈ میں جمع کروا دی۔

تفصیلات کے مطابق متحدہ عرب امارات کی ریاست دبئی میں مقیم دو بھارتی نژاد کم عمر بہنوں نے سیلاب کی تباہ کاریوں سے متاثرہ جنوب بھارتی ریاست کیرالہ میں سیلاب متاثرین کے لیے ایک ہفتہ کپ کیک فروخت کرکے رقم عطیہ کی۔

غیر ملکی خبر رساں ادارے کا کہنا تھا کہ دونوں بھارتی لڑکیوں کو دیکھ کر دبئی میں مقیم متعدد طالب علموں اور اساتذہ کی جانب سے کیرالہ کے سیلاب متاثرین کے لیے چندہ جمع کیا جارہا ہے۔

اماراتی میڈیا کا کہنا ہے کہ دبئی کے صفا کمیونٹی اسکول کے گریڈ 5 میں زیر تعلیم ’9 سالہ کرشنا اور 7 سالہ میرایا راجہ گوپالن‘ نے اپنے طریقے سے سیلاب متاثرین کی معاونت کے لیے رقم جمع کی اور اپنے والدین کے ذریعے وزیر اعلیٰ ریلیف فنڈ میں بھیج دی۔

 

بھارتی بہنوں کی والدہ کا کہنا ہے کہ ’میری دونوں بیٹیاں کیرالہ میں سیلاب سے متاثر ہونے والے ہزاروں افراد کی امداد کے لیے کچھ کرنا چاہتی تھی، پھر انہوں نے امدادی رقم کی جمع آوری کے لیے کپ کیک بناکر فروخت کرنا شروع کردیئے۔

بھارتی لڑکیوں کی والدہ میگا کپور نے میڈیا کو بتایا کہ ’میری بیٹیوں نے اپنی مدد آپ کے تحت 175 کپ کیک تیار کیے اور اپنی گرمی کی چھٹیوں کے سات روز سیکڑوں گھروں پر جاکر کیک فروخت کرنے میں گزار دیئے۔

اماراتی میڈیا کا کہنا تھا کہ سات روز تک گھر گھر جاکر کیک فروخت کرکے  جمع ہونے والی 3 ہزار درہم (58 ہزار بھارتی روہے) کی رقم کیرالہ کے سیلاب متاثرین کے لیے بھیج دی۔

Comments

comments

یہ بھی پڑھیں