The news is by your side.

Advertisement

سری لنکا میں کرفیو میں نرمی کر دی گئی

کولمبو: سری لنکا میں ملک گیر کرفیو میں نرمی کر دی گئی، دوسری طرف نئے وزیرِ اعظم رنیل وکرم سنگھے نئی کابینہ کی تشکیل کے لیے کوشاں ہو گئے ہیں۔

تفصیلات کے مطابق سری لنکا میں حکام نے ہفتے کو ملک گیر کرفیو میں 12 گھنٹے کی نرمی کر دی ہے، جب کہ نئے وزیرِ اعظم رنیل وکرم سنگھے کی طرف سے انتظامیہ کی ذمہ داری سنبھالنے کے بعد شدید اقتصادی بحران کے شکار ملک میں سیاسی استحکام کے تازہ آثار دکھائی دیے ہیں۔

سری لنکن میڈیا کے مطابق کئی دن بعد ملک میں نافذ کرفیو میں ہفتے کو صبح چھ بجے سے شام چھ بجے تک نرمی کی گئی ہے، ایک ہفتے جاری رہنے والے پُر امن احتجاجی مظاہرے پُر تشدد ہونے کے بعد سری لنکا میں پیر کو 24 گھنٹے کے لیے کرفیو لگا دیا گیا تھا۔

جمعرات اور جمعے کو ملک بھر میں نافذ کرفیو میں مختصر وقفہ کیا گیا تا کہ لوگ ضرورت کی اشیا خرید سکیں۔

خیال رہے کہ نئے وزیر اعظم رنیل وکرم سنگھے ماضی میں ملک کے 6 مرتبہ وزیر اعظم رہ چکے ہیں، انھوں نے اپنی کابینہ میں نئے ارکان شامل کیے ہیں، تاہم سابق وزیر اعظم مہندرا راجا پاکسے کی سیاسی جماعت سے بھی انھوں نے 4 وزرا کو شامل کر دیا ہے، جس پر بہت سے لوگوں کی جانب سے برہمی کا اظہار متوقع ہے۔

Comments

یہ بھی پڑھیں