The news is by your side.

Advertisement

کروناوائرس: سعودی عرب میں کرفیو، اہم وضاحت سامنے آگئی

ریاض: سعودی عرب میں کروناوائرس کے پیش نظر کرفیو نافذ ہے البتہ کن شعبوں کو اس ضمن میں استثنیٰ حاصل ہوگا اس سے متعلق اہم وضاحت سامنے آگئی۔

عرب میڈیا کی رپورٹ کے مطابق کرفیو سے متعلق وضاحتی اعلامیے میں سعودی وزارت داخلہ کا کہنا ہے کہ کرفیو سے مملکت میں بنیادی ضرورتیں فراہم کرنے والے شعبوں کو استثنی حاصل ہے۔

سعودی عرب میں غذائی مواد فراہم کرنے والا شعبہ کرفیو سے مستثنی ہوگا جس میں سپر مارکیٹ، بقالے، سبزی کی دکانیں، مرغی، گوشت اور روٹیاں فروخت کرنے والے بھی شامل ہیں۔

دریں اثنا صحت کا شعبہ بھی کرفیو سے آزاد ہوگا جس میں فارمیسی، پولی کلینکس، ہسپتال، لیبارٹری، ایکسرے اور طبی شعبے کی فیکٹریاں شامل ہیں۔ علاوہ ازیں وسائل اطلاعات کے تمام شعبوں کو بھی کرفیو سے مستثنیٰ قرار دے دیا گیا ہے۔

کورونا وائرس ، سعودی بادشاہ شاہ سلمان نے کرفیو کا اعلان کردیا

سعودی وزارت داخلہ کا کہنا ہے کہ کرفیو کے دوران غذائی اشیا یا طبی سامان لانے اور لے جانے پر بھی کوئی پابندی نہیں ہوگی۔ مملکت میں شہری آسانی سے ہوم ڈیلیوری کی بھی سہولت حاصل کرسکیں گے۔

کروناوائرس کے باعث نافذ کرفیو کے دوران ایمرجنسی حالت میں نقل وحرکت پر کوئی پابندی نہیں ہوگی۔ جبکہ پٹرول پمپس، بجلی کمپنی کے اہلکار اور بجلی کے تعطل کو بحال کرنے والی ٹیمیں بھی پابندی سے استثنیٰ ہوں گی۔

fb-share-icon0
Tweet 20

Comments

comments

یہ بھی پڑھیں