ماڈل ایان علی نے میک اپ ودیگراخراجات پرڈیڑھ کروڑخرچ کردیئے -
The news is by your side.

Advertisement

ماڈل ایان علی نے میک اپ ودیگراخراجات پرڈیڑھ کروڑخرچ کردیئے

اسلام آباد : ماڈل ایان علی پرقائم کرنسی اسمگلنگ کیس کو سال مکمل ہوگیا۔خوبرو ماڈل نےجیل سے کورٹ کچہریوں تک کےسفرمیں لگ بھگ ڈیڑھ کروڑ روپےخرچ کرڈالے۔ پیشیوں پر پیشی اور تاریخوں پر تاریخ ملتی رہی لیکن کیس کا فیصلہ تاحال نہ ہوسکا۔

تفصیلات کے مطابق گورامکھڑا کالاچشمہ،کبھی ہڈوالااپر توکبھی ترچھی ہیٹ سے جھانکتا سنہری چہرہ،کرنسی اسمگلنگ کیس میں گرفتارماڈل ایان علی کوکورٹ کچہری کےچکرلگاتےسال مکمل ہوگیا۔

درجنوں پیشیوں پرخوبصورت ماڈل ایان علی نے اپنے اوپر قائم مقدمات کے دوران بناؤسنگھار اورسفری اخراجات پرڈیڑھ کروڑروپےسےزائدکےاخراجات کرڈالے۔

سپرماڈل سال دوہزارپندرہ میں سب سےزیادہ خرچہ کرنےوالی ماڈل قرار پائیں۔ جدیدفیشن کی دلدادہ ماڈل ایان علی نےایک سال کےدوران ملبوسات پرچالیس لاکھ روپےخرچ کئےجبکہ سرخی پاؤڈربناؤ سنگھارپرلگ بھگ بیس لاکھ روپےلگادیئےگئے۔

ذرائع کےمطابق مطابق مقدمات اورسفری اخراجات پرخوبروحسینہ نےسترلاکھ خرچ کئے، پیشیوں کےدوران ڈالرگرل کےسیکڑوں مداح ان کی ایک جھلک دیکھنے کیلئے عدالت کےباہرجمع ہوتے۔

کوئی بزرگ ہار پہناتاتوکوئی ماڈل گرل کےآٹوگراف کیلئے لائن میں لگ جاتا، سال گزرنےکےبعدبھی مقدمےمنطقی انجام تک نہ پہنچ سکے۔

ایان علی کو گزشتہ سال چودہ مارچ کواسلام آبادایئرپورٹ سےدبئی جاتےہوئےاس وقت گرفتار کیاگیا تھا جب اُن کےبیگ سے پانچ لاکھ امریکی ڈالربرآمدہوئےتھے۔

 

Comments

comments

یہ بھی پڑھیں