site
stats
پاکستان

کرنسی اسمگلنگ کیس، ایان علی پر آج بھی فرد جرم عائد نہ ہوسکی

راولپنڈی:  کرنسی اسمگلنگ کیس میں ماڈل ایان علی پر آج بھی فردِ جرم عائد نہ ہوسکی ۔

تفصیلات کے مطابق کرنسی اسمگلنگ کیس میں آج بھی مکمل چالان پیش نہ کیا جا سکا، جس کے باعث ماڈل ایان علی پرفردجرم عائد نہ ہوسکی، عدالت نے کسٹمز حکام پر برہمی کا اظہار کرتے ہوئے آئندہ پیشی پر مکمل چالان پیش کرنے کی ہدایت کی۔

کسٹم عدالت راولپنڈی کے جج رانا آفتاب نے کرنسی اسمگلنگ کیس کی سماعت کی، عدالت نے کسٹم حکام کو آئندہ پیشی پر کیس کا مکمل چالان پیش کرنے کی ہدایت کر دی ہے۔

ماڈل ایان علی  باڈی گارڈز کے حصار میں راولپنڈی کچہری پہنچیں، کسٹم عدالت نے ماڈل ایان علی کو فرد جرم عائد کرنے کے لئے طلب کر رکھا تھا، تاہم آج بھی ایان علی پر فرد جرم عائد نہیں ہو سکی، آئندہ سماعت15ستمبر کو ہوگی ۔

دوسری جانب کسٹم حکام کی ایان کے خلاف منی لانڈرنگ کیس دائر کرنے کی درخواست پر سماعت بھی 15 ستمبر کو ہوگی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top