The news is by your side.

Advertisement

کرنسی اسمگلنگ کیس: ایان علی نے فردِ جرم کو ہائیکورٹ میں چیلنج کردیا

راولپنڈی : کسٹم کی خصوصی عدالت کے جج رانا آفتاب احمد خان نے ماڈل ایان علی کے خلاف کرنسی اسمگلنگ کیس کی سماعت 16 دسمبر تک ملتوی کر دی۔ سماعت کے دوران ماڈل ایان علی اپنے وکلاکے ہمراہ عدالت میں پیش ہوئیں،

تفصیلات کے مطابق ماڈل ایان علی کے خلاف کرنسی اسمگلنگ کیس کی سماعت کے موقع پر ماڈل ایان علی کے وکیل نے عدالت کو بتایا کہ ماڈل کے خلاف فردِ جرم عائد نہ کی جانے کی کارروائی کو ہائی کورٹ میں چیلنج کر دیا گیا ہے۔

سماعت 16 دسمبر تک ملتوی کی جائے۔جس پرکسٹم کے پراسیکیوٹر نے مخالفت کی اور عدالت کو بتایا کہ کسٹم کی جانب سے 10 گواہان میں سے 8 اس وقت عدالت میں موجود ہیں 2 گواہاں بھی عالت میں کچھ دیر میں پہنچ جائیں گے، کارروائی جاری رکھی جائے۔

جس پر ماڈل ایان علی کے وکیل خرم لطیف کھوسہ نے کہا کہ بوجہ الیکشن پاکستان بار کونسل مصروف ہیں اور حاضر نہیں ہو سکے۔

فاضل عدالت نے ما ڈل کے وکیل کی یہ استدعاء بھی نا مناسب کہہ کر مسترد کر دی اور کہا کہ ایئر پورٹ کا نقشہ طلب کرنا مناسب نہیں اور کہا کہ اگر لطیف کھوسہ پاکستان بار کونسل کے الیکشن میں حصہ لے رہے ہیں تو پروفشنل کام پر بھی توجہ دیں.

فاضل عدالت نے کیس کی سماعت 16 دسمبر تک ملتوی کر دی۔ آئندہ سماعت پر ایان علی کے خلاف مقدمات کی دفعات کے متعلق جرح کی جائے گی۔

Print Friendly, PDF & Email

Comments

comments

یہ بھی پڑھیں