کرنسی اسمگلنگ کیس، ایان علی کو ایک دن حاضری سے استثنیٰ ، اگلی سماعت میں پیش ہونے کا حکم -
The news is by your side.

Advertisement

کرنسی اسمگلنگ کیس، ایان علی کو ایک دن حاضری سے استثنیٰ ، اگلی سماعت میں پیش ہونے کا حکم

اسلام آباد : کرنسی اسمگلنگ کیس میں کسٹم عدالت نے ماڈل ایان علی کے قابل ضمانت وارنٹ برقرار رکھتےہوئے ایک دن حاضری سے استثنی کی درخواست منظورکرلی۔

تفصیلات کے مطابق کرنسی اسمگلنگ کیس میں مطلوب ماڈل گرل ایان علی وارنٹ جاری ہونے کے باوجود عدالت پیش نہ ہوئی ، راولپنڈی کی کسٹم عدالت کے جج شیراز کیانی نے کرنسی اسمگلنگ کیس کی سماعت کی ، ملزمہ کی جانب سے وکیل لطیف کھوسہ عدالت میں پیش ہوئے۔

وکیل آصف کھوسہ نے عدالت کو بتایا کہ یان علی بیماری کے باعث عدالت میاں پیش نہیں ہو سکتی لہذا ایک دن کا استثناء دیا جائے، جس پر عدالت نے طبی بنیادوں پر قابل ضمانت وارنٹ گرفتاری برقرار رکھتے ہوئے ایک دن حاضری سے استثنیٰ کی درخواست منظور کرلی اور اگلی پیشی پر ملزمہ کو پیش ہونے کا حکم جاری کیا۔

کسٹم عدالت نے سماعت 7 اکتوبر تک ملتوی کر دی۔

یاد رہے کہ رواں سال جون میں کرنسی اسمگلنگ کیس میں کسٹم عدالت نے نامزد ماڈل ایان علی کے وارنٹ گرفتاری جاری کئے تھے، عدالت نے ملزمہ کے پیش نہ ہونے پر سخت برہمی کا اظہارکرتے ہوئے کہا پہلے کی درخواستوں میں ملزمہ خود بیمارہوتی تھیں اور اب ان کی والدہ بیمار ہوگئی ہیں۔


ای سی ایل سے نام نکلتے ہی ماڈل ایان علی بیرون ملک روانہ


خیال رہے کہ  رواں سال 23فروری کو ضمانت پر رہائی اور سپریم کورٹ کی ہدایت پر ایگزٹ کنٹرول لسٹ سے نام خارج ہونے کے بعد ماڈل ایان علی بیرون ملک روانہ ہو گئیں تھی۔

واضح رہے کہ ماڈل ایان علی 2015 میں اسلام آباد ائیرپورٹ سے دبئی پانچ لاکھ ڈالرز غیر قانونی طورپر لے جاتے ہوئے پکڑی گئیں تھیں، جس کے بعد انہیں تین ماہ جیل کی ہوا کھانی پڑی تھی


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

Comments

comments

یہ بھی پڑھیں