The news is by your side.

Advertisement

کرنسی اسمگلنگ کیس، ماڈل ایان علی غیر حاضر،عدالت برہم،حاضری کی استثنیٰ مل گیا

راولپنڈی: کرنسی اسمگلنگ کیس میں ماڈل ایان علی کی حاضری کی استثنیٰ کی درخواست منظور کرلی۔

تفصیلات کے مطابق ماڈل ایان علی کیخلاف کرنسی اسمگلنگ کیس کی سماعت جج رانا آفتاب نے کی، ایان علی کیجانب سے وکیل لطیف کھوسہ عدالت میں پیش ہوئے جبکہ ملزمہ ایان علی ایک بار پھر عدالت میں پیش نہیں ہوئیں، جج رانا آفتاب نے ایان علی کے پیش نہ ہونے اور مسلسل غیر حاضری پر برہمی کا اظہار کرتے ہوئے درخواست وصول کرنے سے انکار کر دیا اور حکم دیا کہ ملزمہ کو عدالت پیش کیا جائے پھر مستقل حاضری سے استثنی کی درخواست سنی جائے گی ۔

ملزمہ کے جونیر وکیل نے حاضری سے استثنیٰ کی درخواست دی، جس میں مؤقف اختیار کیا گیا کہ ایان علی کو کراچی کی عدالت میں پیش ہونا ہے، اسلئے حاضری سے استثنیٰ دیا جائے۔

لطیف کھوسہ نے اپنے دلائل میں کہا کہ مقتول انسپکٹر اعجاز چوہدری کے قتل کے مقدمے میں چالان جمع کرادیا گیا ہے، مقتول انسپکٹر اعجاز چوہدری کا ایان کے کیس سے کوئی تعلق نہیں۔

دلائل کے دوران جسٹس رانا آفتاب نے لطیف کھوسہ پر اظہارِ برہمی کرتے ہوئے کہا کہ آپ عدالت میں اونچی آواز میں بات نہیں کرسکتے، یہ کیا طریقہ ہے کہ آپ چھوٹی سے درخواست لکھیں اور عدالت اس میں استثنیٰ دے۔

عدالت نے حاضری سے استثنیٰ کی درخواست منظور کرتے ہوئے حکم دیا کہ ایان علی آئندہ سماعت میں پیش ہوں، مقدمے کی سماعت اکتیس اگست تک ملتوی کردی گئی۔

Print Friendly, PDF & Email

Comments

comments

یہ بھی پڑھیں