بوسٹن: آٹھ سال تک وورکیسٹر پولی ٹیکنک انسٹی ٹیوٹ میں صفائی کرنے والے امریکی شہری نے اسی ادارے سےمکینکل انجینئرنگ میں گریجویشن کرکے دنیا کو حیران کردیا.
تفصیلات کے مطابق امریکی شہری مائیکل ووڈریئل نے وورکیسٹر پولی ٹیکنک کالج میں آٹھ برس تک بلیک بورڈ صاف کرنے،کچرا اٹھانےاور قالینوں پر ویکیوم چلانے کا کام کیا لیکن گزشتہ ماہ مائیکل نے اسی ہاتھوں سے کالج کا ایک اہم اعزاز حاصل کیا جو انجینیئرنگ کی ڈگری تھی.
دوہزار آٹھ سے قبل مائیکل ووڈریئل ایک کامیاب ٹھیکیدار تھے لیکن اچانک مالی مشکلات کے باعث ان کا کاروبار ختم ہوگیا اور وہ مکمل طور پر دیوالیہ ہوگئے جس کے بعد وہ نوکری کے لیے کوشش کرتے رہے لیکن کوئی نتیجہ نہیں نکلا تاہم اس نے کالج میں ملازمت اختیار کرلی.
مائیکل ووڈریئل کو کالج میں مفت تعلیم کی پیشکش کی گئی جسےانہوں نے قبول کیا، وہ رات کو صفائی کرنے کے بعد دن میں پڑھائی کرتے تھے.
مائیکل نےانتھک محنت کے ساتھ تعلیم حاصل کی جس کے باعث وہ کالج میں مشہور ہوگئے اور اس نے تمام سیمسٹر میں امتیازی نمبروں سے کامیابی بھی حاصل کی جس کے بعد 14 مئی 2016 کو آٹھ سال کی محنت کے بعد اسے اسٹیج پر بلاکر انجینیئرنگ کی ڈگری عطا کی گئی.
