The news is by your side.

Advertisement

کراچی ایئرپورٹ: 1 کروڑ روپے کی ہیروئن و زیورات ضبط، مرد اور عورت گرفتار

کراچی: کسٹم نے ایئرپورٹ پر دو مختلف کارروائیوں میں ہیروئن اور سونے کے زیورات برآمد کرکے ایک مرد اور ایک عورت کو گرفتار کرلیا، ضبط شدہ سامان کی مجموعی مالیت ایک کروڑ روپے سے زائد ہے۔

تفصیلات کے مطابق پاکستان کسٹمز پریونٹو نے کراچی کے جناح انٹرنیشنل ائیر پورٹ پر اسمگلرز کے خلاف دو کارروائیاں کی ہیں جن میں ہیروئن اور سونے کے زیورات پکڑے گئے ہیں۔

نائیجرین مسافر گرفتار،ہیروئن برآمد

ڈپٹی کلکٹر کسٹمز واصف ملک کا کہنا ہے کہ ائر پورٹ کے ڈپارچر سے ہیروئین اسمگلنگ کی کوشش ناکام بناتے ہوئے نائجیریئن مسافر سے 600 گرام اعلیٰ کوالٹی کی ہیروئین برآمد کرلی گئی ہے ضبط شدہ ہیروئین کی مالیت انٹرنیشنل مارکیٹ میں 50 لاکھ روپے سے زائد ہے۔

واصف ملک کے مطابق غیر ملکی مسافر کو خفیہ اطلاع پر حراست میں لیا گیا، مسافر کے خلاف مقدمہ درج کرکے تحقیقات کا آغار کردیا گیا ہے، مسافر غیر ملکی ائرلائن کی پرواز ٹی کے 709 سے نائجیریا جارہا تھا۔

دبئی سے آنے والی خاتون گرفتار، زیورات ضبط

انہوں نے مزید بتایا کہ ایک اور کارروائی میں دبئی سے آنے والی خاتون مسافر سے زیورات برآمد کر لیے گے، مسافر خاتون سمیہ آدم جی سے 50 لاکھ روپے مالیت کے ایک کلو 300 گرام سونے کے زیورات برآمد ہوئے ہیں خاتون مسافر فلائی دبئی کی پرواز 331 سے کراچی پہنچی تھی۔

اس جرم پر خاتون مسافر کو حراست میں لے کر خلاف مقدمہ درج کرلیا گیا ہے۔

Print Friendly, PDF & Email

Comments

comments

یہ بھی پڑھیں