The news is by your side.

Advertisement

کسٹمز انٹیلجس کا بھارتی پیکنگ کرنے والی فیکٹری پر چھاپہ، سامان ضبط ، فیکٹری سیل

لاہور: بھارتی پیکنگ کرنے والی فیکٹری پر کسٹمز انٹیلجس نے چھاپہ مار کر جعلی پیکنگ کرنے والی مشینیں تحویل میں لے کر فیکٹری سیل کر دی اور مقدمہ درج کر لیا۔

تفصیلات کے مطابق لاہور میں کسٹم انٹیلی جنس نے ایڈیشنل ڈائریکٹر کسٹمز انٹیلجنس حسن فرید کی سربراہی میں ہنجروال میں جعلی ہئیر کلر بنانے والی فیکٹری پر چھاپہ مارا، جہاں پر جعلی ہئیر کلرز کے ڈبوں پر بھارتی پیکنگ کی جا رہی تھی۔

اے ڈی کسٹمز حسن فرید کا کہنا تھا کہ فیکٹری سے بھارتی پیکنگ والے 200 کاٹن قبضہ میں لے لئے گئے اور ہیئر کلرز پر بھارتی پیکنگ کرنے والی مشین بھی تحویل میں لے لی گئی ہے۔

حسن فرید نے بتایا ہیئر کلرز میں استعمال ہونے والا کیمیکل بھی جعلی تھا، تاہم فیکٹری کو سیل کر کے مقدمہ درج کرلیا گیا ہے۔

یاد رہے کسٹم انٹیلی جنس حکام نے خفیہ اطلاع پر فیصل آباد میں کارروائی کرتے ہوئے بھارت سے سمگل شدہ کپڑا برآمد کرتے ہوئے تین ملزمان کو بھی گرفتار کیا تھا ، ذرائع کا کہنا تھا کہ بھارتی کپڑا 3گاڑیوں میں لوڈ کر کے فیصل آباد مارکیٹ میں لایا جا رہا تھا جہاں سے اسے ملک کے دیگر حصوں میں سپلائی کیا جانا تھا تاہم چھاپے کے دوران لاکھوں میٹر بھارتی کپڑا پکڑ لیا گیا ہے جس کی مالیت لاکھوں میں ہے۔

Comments

یہ بھی پڑھیں