The news is by your side.

Advertisement

جامع کلاتھ مارکیٹ کے قریب چھاپہ، 5 ٹرک اسمگل شدہ کپڑا برآمد

کسٹم کی ٹیم نے کراچی کے علاقے آرام باغ تھانے کی حدود میں قائم اللہ والا مارکیٹ والی گلی میں چھاپہ مارکر بڑی تعداد میں اسمگل شدہ کپڑا برآمد کرلیا۔

کسٹم اہلکاروں نے کامیاب کارروائی کے بعد بڑی مقدار میں برآمد ہونے والا اسمگل شدہ کپڑا اپنی تحویل میں لے لیا۔

پاکستان کسٹمز انفورسمنٹ کلکٹریٹ کراچی کے اینٹی اسمگلنگ اسکواڈ کا گزشتہ رات عدالت سے پیشگی اطلاع کے بعد جامع کلاتھ کے قریب چھاپہ مارا۔

رینجرز اور علاقہ پولیس کے تعاون سے ایم اے جناح روڈ پر قائم گودام پر چھاپہ مار کر 5 ٹرک غیرملکی اسمگل کپڑا بر آمد کرلیا گیا۔

ترجمان کسٹم کا کہنا ہے کہ پکڑے گئے اسمگل شدہ کپڑے کی مالیت ڈھائی کروڑ روپے سے زائد ھے اسمگل شدہ کپڑا قبضہ میں لے کرمزید تفتیش کی جارہی ہے۔

واضح رہے کہ اس سے دو ماہ قبل دسمبر 2021میں کسٹمز انٹیلی جینس ایف بی آر انفورسمنٹ ٹیم کراچی نے مصدقہ اطلاع پر کراچی میں آرام باغ مارکیٹ، لکھنؤ اور الجدید مارکیٹ صدر میں واقع گوداموں پر چھاپہ مار کارروائی میں 2 کروڑ روپے مالیت کا غیر ملکی اسمگل شدہ کپڑا برآمد کیا تھا۔

Comments

یہ بھی پڑھیں