The news is by your side.

Advertisement

سابق کپتان کو جعلی تصاویر کے ذریعے بلیک میل کرنے کی کوشش

لاہور: سابق کپتان قومی کرکٹ ٹیم سلمان بٹ کو جعلی تصاویر کے ذریعے بلیک میلنگ کی کوشش کی گئی ہے، کرکٹر نے سائبر کرائم سے رابطہ کرلیا ہے۔

تفصیلات کے مطابق سائبر  مافیا سابق کپتان سلمان بٹ کے پیچھے پڑگیا ہے اور کرکٹر کو جعلی تصاویر کے زریعے بلیک میلنگ کی کوششیں کی جارہی ہے۔

واقعے سے متعلق سابق کپتان نے ٹوئٹر پر پیغام شیئر کیا کہ کچھ دنوں سے ایک بلیک میلر شخص میری تصاویر کا غلط استعمال کررہا ہے، یہ وہ تصاویر ہیں جنہیں میں سوشل میڈیا پر شیئر کرتا رہا ہوں ۔

سلمان بٹ نے اپنے پیغام میں لکھا کہ مذکورہ بلیک میلر نے فحش مواد اور جعلی چیٹ لاگز کے ساتھ میری تصاویر شیئر کی اور اس کو ہٹانے کے عوض مجھے 900 ڈالر ٹرانسفر کرنے کی دھمکیاں دے رہا ہے۔

سلمان بٹ نے بتایا کہ بلیک میلر نے دھمکی دی ہے کہ اگر ڈالر ٹرانسفر نہ کئے گئے تو دنیا میں بدنام کردوں گا، کتنی شرمناک حرکت ہے؟، کرکٹر سلمان بٹ نے بلیک میلر کی باضابطہ شکایت ایف آئی اے سائبر کرائم سرکل کو دے دی ہے۔

Comments

یہ بھی پڑھیں