لاہور: سابق کپتان قومی کرکٹ ٹیم سلمان بٹ کو جعلی تصاویر کے ذریعے بلیک میلنگ کی کوشش کی گئی ہے، کرکٹر نے سائبر کرائم سے رابطہ کرلیا ہے۔
تفصیلات کے مطابق سائبر مافیا سابق کپتان سلمان بٹ کے پیچھے پڑگیا ہے اور کرکٹر کو جعلی تصاویر کے زریعے بلیک میلنگ کی کوششیں کی جارہی ہے۔
واقعے سے متعلق سابق کپتان نے ٹوئٹر پر پیغام شیئر کیا کہ کچھ دنوں سے ایک بلیک میلر شخص میری تصاویر کا غلط استعمال کررہا ہے، یہ وہ تصاویر ہیں جنہیں میں سوشل میڈیا پر شیئر کرتا رہا ہوں ۔
Same is happening with me . A blackmailer is misusing my pictures taken after training as I had shared those on social media. He has created fake chat logs along with obscene video content. He is harassing merit some days and demanding money . What a shameful act. pic.twitter.com/q2jXEBraqc
— Salman Butt (@im_SalmanButt) April 10, 2021
سلمان بٹ نے اپنے پیغام میں لکھا کہ مذکورہ بلیک میلر نے فحش مواد اور جعلی چیٹ لاگز کے ساتھ میری تصاویر شیئر کی اور اس کو ہٹانے کے عوض مجھے 900 ڈالر ٹرانسفر کرنے کی دھمکیاں دے رہا ہے۔
سلمان بٹ نے بتایا کہ بلیک میلر نے دھمکی دی ہے کہ اگر ڈالر ٹرانسفر نہ کئے گئے تو دنیا میں بدنام کردوں گا، کتنی شرمناک حرکت ہے؟، کرکٹر سلمان بٹ نے بلیک میلر کی باضابطہ شکایت ایف آئی اے سائبر کرائم سرکل کو دے دی ہے۔
Cyber Mafia is trying to blackmail former Pakistan captain through morphed pictures. Salman Butt has registered an official complain at FIA cyber crime wing. pic.twitter.com/PqBzTzIHo6
— Shoaib Jatt (@Shoaib_Jatt) April 10, 2021
