The news is by your side.

Advertisement

کراچی، رہائشی فلیٹ میں سلنڈر دھماکا، 5 افراد زخمی

کراچی: شہر قائد کے علاقے محکمہ موسمیات کے قریب سلنڈر دھماکے سے پھٹ گیا جس کے نتیجے میں 5 افراد زخمی ہوگئے۔

اے آر وائی نیوز کی رپورٹ کے مطابق کراچی کے علاقے صفورا چورنگی اور محکمہ موسمیات کے قریب رہائشی فلیٹ میں سلنڈر پھٹنے سے آگ بھڑک اٹھی جس کے نتیجے میں گھر میں موجود 5 افراد زخمی ہوگئے۔

ذرائع کے مطابق فائر بریگیڈ کی 2 گاڑیاں نے آ گ پر قابو پالیا، جبکہ زخمیوں کو فوری طور پر طبی امداد کے لیے ڈاؤ اور سول برنس وارڈ منتقل کردیا گیا۔

ابتدائی تحقیقات کے مطابق واقعہ گیس لائنوں میں دھماکے سے آگ لگنے کے باعث پیش آیا۔

ایس ایس پی ایسٹ کا کہنا ہے کہ پولیس نے بی ڈی ایس کو طلب کرلیا ہے ، واقعے کی مزید تحقیقات جاری ہیں۔

پولیس حکام کا کہنا ہے کہ دھماکے سے فلیٹ میں رہائش پذیر خاندان کے 5 افراد زخمی ہوئے جنہیں طبی امداد کے لیے ڈاؤ یونیورسٹی اسپتال اور سول برنس وارڈ منتقل کردیا گیا ہے۔

Comments

یہ بھی پڑھیں