The news is by your side.

Advertisement

متنازع خبر کا معاملہ، صحافی سرل کا تعاون کرنے سے انکار

اسلام آباد: وفاقی وزیر قانون زاہد حامد کا ڈان اخبار کے صحافی سرل المیڈا سے خفیہ مٹینگ کی خبر شائع کرنے کے حوالے  سے رابطہ ہوا تاہم صحافی نے بیان ریکارڈ کروانے اور کسی بھی قسم کے تعاون سے انکار کردیا۔

ذرائع کے مطابق ڈان اخبار میں فوج اور سول قیادت کے حوالے سے شائع متنازع خبر کو قومی سلامتی کےمنافی قرار دیتے ہوئے تحقیقات کے لیے وفاقی وزیر زاہد حامد کی سربراہی میں کمیٹی قائم کی گئی تھی جس نے سرل المیڈا سے بیان ریکارڈ کرانے کے لیے رابطہ کیا تو صحافی نے بیان قلم بند کرانے، اپنی خبرکے ذرائع بتانے اور کسی بھی قسم کا تعاون کرنے سے صاف انکار کردیا ہے ۔

نمائندہ اے آر وائی نیوز اسلام آباد ذوالقرنین حیدر کے مطابق سرل المیڈا نے رابطے پر وفاقی وزیر قانون کو کہا کہ ’’انہیں وقت دیا جائے جس کے بعد وہ طے کریں گے کہ انہیں آئندہ کے لائحہ عمل کے حوالے سے معاملات طے کریں‘‘۔

پڑھیں:  تحقیقات ہونے تک صحافی کا نام ای سی ایل میں رہے گا، وزارت داخلہ

 واضح رہے کہ خبر شائع ہوتے ہی حکومت نے صحافی کا نام ایگزٹ کنٹرول لسٹ میں شامل کردیا تھا ، وزارت داخلہ تحقیقات مکمل ہونے تک ایگزٹ کنٹرول لسٹ سے نکالنے سے انکار کرچکی ہے تاہم اس متنازعہ خبر کو قومی سلامتی کا مسئلہ بھی قرار دیا گیا ہے۔

Comments

comments

یہ بھی پڑھیں