برازیلیا (18 اپریل 2026): برازیلی صدر ڈی سلوا نے امریکی صدر ڈونلڈ ٹرمپ کے سوشل میڈیا پر حالیہ بیانات پر شدید برہمی کا اظہار کرتے ہوئے اہم مطالبہ کر دیا۔
الجزیرہ کی رپورٹ کے مطابق برازیلی صدر نے اپنے ردعمل میں کہا کہ سلامتی کونسل اپنا طرز عمل بدلے جنگیں روکنے میں یہ مکمل ناکام ہو چکی ہے، ایسی دنیا میں ہر صبح آنکھیں نہیں کھول سکتے جہاں امریکی صدر ڈونلڈ ٹرمپ روز ٹویٹس سے دھمکیاں دیں۔
ڈی سلوا نے مزید کہا کہ سوشل میڈیا پر جنگوں کے اعلانات عالمی امن اور سفارتکاری کیلیے بڑا خطرہ ہے، اقوام متحدہ کی ساکھ بچانے کیلیے ادارہ جاتی اصلاحات اب ناگزیر ہو چکی ہیں۔
یہ بھی پڑھیں: مثبت چیزیں ہونے والی ہیں، کوئی ذہین شخص وائٹ ہاؤس آ رہا ہے: ڈونلڈ ٹرمپ
انہوں نے مطالبہ کیا کہ طاقتور ممالک کی جانب سے دنیا کو دھمکانے کا سلسلہ اب بند ہونا چاہیے، دنیا کو سوشل میڈیا دھمکیوں پر چلانے کے بجائے عالمی قوانین کی پاسداری کی جائے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں