The news is by your side.

Advertisement

’ دبنگ ‘ !!! بھائی نے تصدیق کردی

ممبئی: بالی ووڈ اداکار سلمان خان کے مداحوں کے لیے خوشخبری ہے کہ سلو میاں اور سوناکشی سنہا کی مشہور زمانہ فلم دبنگ کا تیسرا پارٹ بننے جارہا ہے جس کی شوٹنگ کا آغاز اپریل سے ہوگا۔

بھارتی میڈیا سے گفتگو کرتے ہوئے سلمان خان کے بھائی اور فلم کے پروڈیوسر ارباز خان نے تصدیق کی کہ دبنگ تھری کا اسکرپٹ مکمل ہوچکا جس کی شوٹنگ اپریل 2019 سے شروع ہوگی۔

اُن کا کہنا تھاکہ ’دبنگ تھری میں ہم شائقین کی توقعات کو مدنظر رکھتے ہوئے اداکاروں کو کاسٹ کریں گے‘۔ انہوں نے تصدیق کی کہ چلبل پانڈے کا مرکزی کردار دبنگ خان ہی ادا کریں گے۔

مزید پڑھیں: ’واہگہ بارڈر‘ پر پاکستانی جھنڈا کیوں لہرایا؟ سلمان خان کا پرچہ کٹ گیا

یاد رہے کہ بالی ووڈ کی فلم ’دبنگ‘ 2010 میں ریلیز ہوئی تھی جس میں سلمان خان کے ساتھ سوناکشی سنہا نے ڈیبیو کیا تھا بعد ازاں دو برس بعد 2012 میں دبنگ پارٹ 2 ریلیز کی گئی جس میں سلمان  خان اور سوناکشی نے ہی مرکزی کردار ادا کیا تھا۔

دبنگ کے پہلے دو پارٹس میں سلمان خان بہادر پولیس افسر ’چلبل پانڈے‘ کے روپ میں نظر آئے تھے جبکہ سوناکشی سنہا نے اُن کی بیوی ’رجو‘ کا کردار ادا کیا تھا۔

یہ بھی یاد رہے کہ سلمان خان آج کل اپنی نئی آنے والی فلم ’بھارت‘ کی شوٹنگ میں مصروف ہیں جس میں اُن کے ساتھ کترینہ کیف مرکزی کردار ادا کررہی ہیں۔

اسے بھی پڑھیں: سلمان اور کترینہ کی سیکیورٹی فوج نے سنبھال لی

علی عباس کی ہدایت کاری میں بننے والی فلم کے ایک منظر کو شوٹ کرنے کی وجہ سے ہندو انتہاء پسندوں نے دبنگ خان کے خلاف پرچہ درج کرواتے ہوئے انہیں سنگین نتائج کی دھمکیاں بھی دیں تھیں۔

دوسری جانب سوناکشی اپنی نئی آنے والی فلم ’ویلکم ٹو نیویارک‘ کی شوٹنگ میں مصروف ہیں جس میں اُن کے ساتھ دلجیت ووسنج، بومن ایرانی، کرن جوہر، رتیش دیش مکھ اور لارا دتہ کردار ادا کرتے نظر آئیں گے۔

چکری تولیتی کی ہدایت کاری میں بنائی جانے والی ’ویلکم ٹو نیویارک‘ 23 فروری کو ریلیز کی جائے گی، فلم میں سلمان خان اداکارہ سوناکشی سنہا کے ساتھ ’نین پھسل گئے‘ گانے میں بھی نظر آئیں گے۔

یہ بھی پڑھیں: مسلمان اداکار سے محبت، سوناکشی نے تردید کردی

بھارتی میڈیا کے مطابق سوناکشی سنہا کو دبنگ کے تیسرے سیکوئل میں بھی اداکاری کے جوہر دکھانے کی پیش کش کی جاچکی ہے، فلم کے پروڈیوسر ارباز خان کا کہنا تھا کہ دبنگ تھری کا اسکرپٹ تیار ہے اور جلد ہی اس کی شوٹنگ کا آغاز کردیا جائے گا۔

Comments

comments

یہ بھی پڑھیں