The news is by your side.

Advertisement

راجن پورمیں ڈاکوؤں نے7 پولیس اہلکاروں کواغوا کرلیا

راجن پور: صوبہ پنجاب کے علاقے روجھان میں ڈاکوﺅں نے پولیس چوکی پر حملہ کرکے 7 پولیس اہلکاروں کو اغوا کرلیا۔

تفصیلات کے مطابق راجن پور کی تحصیل روجھان مزاری میں ڈاکوؤں نے پولیس چوکی پرحملہ کردیا، پولیس اور ڈاکؤوں کے درمیان فائرنگ کے تبادلے کے بعد ڈاکوؤں نے 7 پولیس اہلکاروں کواغوا کرلیا۔

پولیس اورایلیٹ فورسزکے جوانوں کی بھاری نفری کچے کےعلاقے میں پہنچ گئی جہاں ڈاکؤوں کے خلاف کارروائی کی جارہی ہے جبکہ کچے کےعلاقے میں داخلی اورخارجی راستوں کو بند کردیا گیا ہے۔

دوسری جانب ڈی پی اوعتیق طاہر کا کہنا ہے کچے کےعلاقے میں ڈاکوﺅں نے ایک پولیس چوکی پر حملہ کیا ہے جس کے بعد سے سات اہلکار لاپتہ ہیں ،شبہ ہے کہ ڈاکو انہیں اغوا کرکے اپنے ساتھ لے گئے ہیں۔


مزید پڑھیں: چھوٹو گینگ نے ہتھیار ڈال کر خود کو پاک فوج کے حوالے کردیا


واضح رہے کہ گزشتہ سال 20 اپریل کو راجن میں چھوٹوگینگ نے پاک فوج کے سامنے ہتھیار ڈال دیےتھے اور 24 یرغمالی پولیس اہلکار وں کو بھی رہا کردیا گیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں