The news is by your side.

Advertisement

اسلام آبادایئرپورٹ پر بیگ چھیننے کا ڈرامہ رچانے والی خاتون کی اصل حقیقت سامنے آگئی

اسلام آباد : اسلام آبادایئرپورٹ پر بیگ چھیننے کا ڈرامہ رچانے والی خاتون کی اصل حقیقت سامنے آگئی ، اےایس ایف لیڈی اہلکار نے دوران تلاشی خاتون سے زیورات اور رقم برآمد کرلی۔

تفصیلات کے مطابق اسلام آبادایئرپورٹ پر بیرون ملک سے آنے والی خاتون مسافر کا مبینہ ڈکیتی کا الزام جھوٹا نکلا ، اےایس ایف لیڈی اہلکار نے دوران تلاشی خاتون سے زیورات اور رقم برآمدکرلی۔

ایئرپورٹ منیجرکا کہنا ہے کہ بیگ چھیننے کا ڈرامہ رچانے والی خاتون زیرحراست ہے، خاتون نےاپنے کپڑوں میں زیورات،رقم چھپا رکھی تھی۔

خاتون نے اسلام آبادایئرپورٹ کےڈیوٹی ٹرمینل منیجر کو پارکنگ میں بیگ چھیننے کی درخواست دی تھی ، مسافرخاتون نے کہا تھا نامعلوم افراد نے آنکھوں پر اسپرے کرکے چوری کی۔

ائیر پورٹ منیجر کا کہنا تھا کہ ڈاکٹر نے خاتون کی آنکھوں کا معائنہ کیا، ایسی کوئی چیزسامنے نہیں آئی، پولیس اور اے ایس ایف واقعہ کی تحقیقات کر رہے ہیں ، سی سی ٹی وی فوٹیج میں بھی ایسا واقعہ سامنےنہیں آیا۔

سول ایوی ایشن اتھارٹی کے ڈاکٹرز نے خاتون کو کلیئرقرار دے دیا ہے، خاتون مسافرپی کے 262 کے ذریعےابوظہبی سےاسلام آباد پہنچی تھی اور بیگ میں14تولے سونے کے زیورات، 2لاکھ نقد، 6800 درہم تھے۔

Comments

یہ بھی پڑھیں