قومی ٹیم کے نوجوان فاسٹ بولر شاہنواز ڈاہانی نے پاکستان مداح کا ہنر مایہ ناز بھارتی بیٹر ویرات کوہلی تک پہنچا دیا۔
بھارتی ٹیم کے سابق کپتان ویرات کوہلی کا شمار دنیا کے بہترین بیٹرز میں ہوتا ہے ان کے مداح ناصرف بھارت بلکہ پاکستان میں بھی موجود ہیں۔
گزشتہ دنوں بلوچستان سے تعلق رکھنے والے پاکستانی مداحوں نے بھارتی بیٹر ویرات کوہلی سے اپنی محبت کا اظہار انوکھے انداز میں کرتے ہوئے ریت پر ان کی تصویر بنائی تھی جو سوشل میڈیا پر وائرل ہوگئی تھی۔
اب نوجوان فاسٹ بولر شاہنواز ڈاہانی نے پاکستانی بیچ آرٹسٹس کا تحفہ ویرات کوہلی تک پہنچا دیا ہے ڈاہانی نے گڈانی بوائز کے نام سے مشہور نوجوانوں کا شاہکارآسٹریلیا میں بھارتی بلے باز کو دکھایا۔
قومی فاسٹ بولر نے ویرات کوہلی کے ہمراہ تصویر شیئر کرتے ہوئے لکھا کہ ’کوہلی یہ ویڈیو دیکھ کر بہت خوش ہوئے اور پورے گروپ کا شکریہ بھی ادا کیا۔‘
this is for you Gaddani boys. Virat was verry happy for this & says thank you to your whole group & he really loved it. pic.twitter.com/VgfYuXKeKr
— Shahnawaz Dahani (@ShahnawazDahani) November 4, 2022
یاد رہے کہ گزشتہ دنوں گڈانی بوائز کے نام سے مشہورمداحوں نے ویرات کوہلی کا خاکہ بنایا تھا جسے سوشل میڈیا صارفین کی جانب سے پسند کیا گیا تھا۔
