The news is by your side.

Advertisement

افطار کے لیے ماش کی دال کے مزیدار میٹھے دہی بڑے بنائیں

افطار میں دہی بڑے پیش کیے جانا تو عام سی بات ہے جو نمکین اور میٹھے دونوں طرح کے بنائے جاسکتے ہیں۔ آج ہم آپ کو ماش کی دال کے میٹھے دہی بڑے بنانے کی ترکیب بتا رہے ہیں۔

اجزا

ماش کی دال دھلی ہوئی: ایک پاؤ

دہی: آدھا کلو

ادرکـ ذرا سا ٹکڑا

دہی بڑوں کا مصالحہ

تیل: فرائی کے لیے حسب ضرورت

ترکیب

ماش کی دال رات بھر بھگونے کے بعد اس میں ادرک کا ٹکڑا ڈال کر گرینڈ کرلیں اور گاڑھا پیسٹ تیار کر لیں۔

تیل گرم کر کے ہاتھ سے یا چمچے سے چھوٹی چھوٹی بوندیاں بنا لیں اورفرائی کر کے انہیں پانی میں ڈالتے رہیں۔

دو سے تین منٹ بعد بوندیوں کو نکالتے رہیں کہ ان کا پانی نکل جائے۔

ماش کی دال کے ساتھ کشمش کی چٹنی

اجزا

کشمش: 50 گرام

املی: 5 سے 6 دانے

کالی مرچ کٹی ہوئی: آدھا چمچ

چینی: کھانے کے تین چمچ

نمک: حسب ذائقہ

ترکیب

کشمش کی چٹنی کے لیے ایک کپ پانی لیں۔ اس میں کشمش، املی کے دانے، کالی مرچ اور چینی ملا کر اچھی طرح گرینڈ کرلیں۔

آخر میں معمولی سا نمک ڈال لیں۔

اب دہی میں 6 سے 7 کھانے کے چمچ چینی ڈال کر اچھی طرح پھینٹ لیں اور اس میں تیار کی گئیں بوندیوں کو ملا لیں۔

اس کے بعد اوپر سے کشمش کی چٹنی ڈالیں اور دہی بڑوں کے مصالحے کے ساتھ افطار میں پیش کریں۔

Comments

comments

یہ بھی پڑھیں