کراچی: دودھ کی قیمت میں‌ من مانا اضافہ، کریک ڈاؤن کا حکم

کراچی: ڈیری فارمرز ایسوسی ایشن نے دودھ کی قیمت میں 4 روپے کا من مانا اضافہ کردیا جس کے بعد اب 85 روپے فی لیٹر میں فروخت ہوگا، قبل ازیں انہوں نے 9 روپے فی لیٹر اضافے کا اعلان کیا تھا۔

ڈیری فارمرز ایسوسی ایشن کے چیئرمین حاجی اختر نے کہا ہے کہ دودھ کی قیمت میں 4 روپے فی لیٹر کا اضافہ کررہے ہیں جس کے بعد اب دودھ ہول سیل قیمت پر 75  روپے اور خوردہ قیمت پر 84 روپے فی لیٹر میں فروخت کیا جائے گا۔

یہ بھی پڑھیں: دودھ کی قیمت میں 9 روپے فی لیٹر اضافے کا اعلان

قبل ازیں ڈیری فارمرز نے دودھ کی قیمت میں 9و روپے فی لیٹر اضافے کا اعلان کیا تھا تاہم حاجی اختر نے بتایا کہ وہ دودھ کی قیمت 9 روپے کے بجائے 4 روپے بڑھا رہے ہیں، ہول سیل قیمت میں اضافہ 10 جنوری سے کردیں گے۔

دوسری جانب کمشنر کراچی نے دودھ کی قیمتوں میں اضافے کو غیر قانونی قرار دیتے ہوئے مہنگا دودھ فروخت کرنے والوں کے خلاف کریک ڈائون کا حکم دے دیا۔

Comments