جمعہ, فروری 14, 2025
اشتہار

کراچی، ڈیری فارمرز کا دودھ کی قیمت میں 10 روپے فی لیٹر اضافے کا اعلان

اشتہار

حیرت انگیز

کراچی: شہر قائد میں ڈیری فارمرز نے کمشنر کراچی کے احکامات ہوا میں اڑاتے ہوئے دودھ کی قیمت میں 10 روپے فی لیٹر اضافے کا اعلان کردیا۔

تفصیلات کے مطابق کراچی میں ڈیری فارمرز نے دودھ کی فی لیٹر قیمت میں 10 روپے اضافے کا اعلان کردیا، صدر ڈیری فارمرز کے مطابق دودھ کی قیمت 85 سے 95 روپے فی لیٹر کردی گئی ہے۔

واضح رہے کہ دودھ کی قیمت میں اضافے سے ریٹیل سطح پر قیمت 110 روپے فی لیٹر ہوجائے گی۔

صدر ڈیری فارمرز کا کہنا تھا کہ پیداواری اخراجات، ڈیزل کی قیمت بڑھنے سے قیمت میں اضافہ کیا گیا ہے۔

دوسری جانب ترجمان ملک ہول سیلرز ایسوسی ایشن عشرت خان کا کہنا تھا کہ دودھ کی قیمت میں اضافہ قبول نہیں ہے، کمشنر کراچی دودھ کی قیمتوں میں اضافہ روکنے کے لیے اقدامات کریں۔

یاد رہے کہ دودھ کی فی لیٹر سرکاری قیمت 94 روپے فی لیٹر مقرر ہے۔

مزید پڑھیں: کراچی میں دودھ کی قیمت میں اچانک 23 روپے کا اضافہ

خیال رہے کہ رواں سال اپریل میں دودھ کی فی لیٹر قیمت میں اچانک 23 روپے اضافہ کردیا گیا تھا جس کے بعد صوبائی وزیر اسماعیل راہو نے نوٹس لیتے ہوئے کہا تھا کہ ڈیری فارمرز کی من مانی نہیں چلنے دیں گے۔

اسماعیل راہو نے کہا تھا کہ 26 روپے فی کلواضافہ کرنے پرکارروائی کی ہدایت دے دی ہے ، دودھ کی 94 فی لیٹر قیمت ہے اسی پر ہی فروخت کی جائے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں